Pintura Erromantikoa eta Errealista: Ezaugarriak eta Artistak

Pintura Erromantikoa: Ezaugarri Orokorrak

1. Kolorea marrazki baino gehiago baloratzen da. Kontornoak difuminatu egiten dira.
2. Konposizio dinamikoak erabiltzea. Pertsonaiek keinu dramatikoak, aztoratuak edo heroikoak dituzte neoklasizismoko irudi geldien ondoan.
3. Paisaiaren gurtza. Ekaitzak, gaueko paisaiak... Paisaiaren bidez haien emozio pertsonalak eta gogo-aldarteak azaltzen dituzte.
4. Paisaiaz gain, gai exotikoak, pintoreskoak, fantastikoak eta erlijiosoak izan zituzten gogokoenak. Aztarna gotikoak.
5. Argia asko baloratzen da. Pintore erromantiko batzuk argi-ilun bortitzak dituzte.
6. Giza irudia errealismoz irudikatzen dute.
7. Teknikak: olioa, akuarelak, grabatuak eta litografiak.
8. Pintore garrantzitsuenak:
   • Frantsesak: Delacroix: "Kiosko sarraskia", "Sardanapaloaren heriotza" eta "Askatasuna herriaren gidari".
   • Gericault: "Medusaren baltsa".
   • Ingelesak: Turner: "Euria, lurruna eta abiadura".
   • Alemaniarrak: Friedrich: "Hodei-itsasoaren aurrean ibiltaria".

Pintura Errealista: Ezaugarri Orokorrak

1. Pintura izan zen errealismoaren arte-adierazpen nagusia, errealitatea zen moduan irudikatuz, idealismorik eta subjektibotasunik gabe. Errealisten ustez, garrantzitsuena errealitatean zegoen; gainerakoa ez zitzaien interesatzen. Hala ere, edozein errealitate ere ez zuten pintatu; desjabetuen klasearen errealitatea erakustea zuten helburu. Lan-munduko nekazariak, etorkinak eta Industria Iraultzarekin agertutako desjabetuen klaseak irudikatu zituzten. Horrela, langileen eguneroko bizitza kategoria artistiko bihurtu zen, eta pintura erromantikoak landutako gai heroikoak baztertu zituzten.
2. Pinturan erabilitako gaiak ez ziren heroikoenak eta atseginenak izan: lanak akitutako nekazariak, garbitzaileak, emigranteak, harginak edota naturaren aurrean pintatutako paisaia soilak.
3. Errealismoak garrantzi eta hedapen handia lortu zuen Frantzian. Joera desberdinak agertu ziren, artista bakoitzak errealitatearen aurrean zuen jarrera pertsonalaren eta erabilitako gaien arabera.
4. Frantziako pintore aipagarrienak: H. Daumier, F. Millet eta A. Courbet (1819-1877): "Lurperatzea Ornansen" eta "Pintorearen estudioa".