Elementos e termos clave da arte e a arquitectura: capiteis, perspectivas e plantas

Elementos e definicións de arte e arquitectura

Conxunto de termos fundamentais para comprender formas, decoración e representación en arte e arquitectura.

Capitel composto

Capitel composto: Capitel romano, que combina o capitel corintio (follas de acanto) co xónico (volutas).

Cor complementaria

Cor complementaria: Parellas de cores formadas por unha cor secundaria e a primaria que non entra na súa composición: violeta/amarelo, laranxa/azul, verde/vermello. Sitúanse en posicións opostas no círculo cromático.

Estilo

Estilo: Nas obras de arte, conxunto de trazos característicos, propios dunha época, dunha escola ou dun artista, que permiten identificalo.

Liña serpentinata

Liña serpentinata: Movemento xiratorio de contrabalanceo empregado nas figuras manieristas: as cadeiras xiran cara un lado, os ombros cara outro e a cabeza en senso contrario aos ombros, dando lugar a unha forma sinusoidal ou serpentina en S. Aínda que están relacionados, presenta máis tensión que o contraposto.

Perspectiva aérea

Perspectiva aérea: Tipo de perspectiva baseada na perda de definición e contraste dos obxectos a causa da distancia. Adoita combinarse coa perspectiva cromática, que sitúa no primeiro plano cores cálidas e ao fondo cores frías.

Perspectiva lineal

Perspectiva lineal: Tipo de perspectiva baseada na converxencia das liñas paralelas, perpendiculares ou oblicuas ao plano pictórico nun punto (punto de fuga). Estas liñas imaxinarias chámanse liñas de fuga. Establece fórmulas xeométricas para representar a diminución progresiva do tamaño aparente dos obxectos.

Plan central

Plan central: Planta cuxo espazo está organizado en torno a un punto central (círculo, octógono, etc.).

Planta de cruz grega

Planta de cruz grega: Planta na que a nave e o transepto forman brazos iguais.

Triforio

Triforio: Estreito corredoiro con ventás ornamentais, situado enriba das arcadas, no muro da nave principal das igrexas góticas, a modo dunha falsa tribuna.

Presbiterio

Presbiterio: Nas igrexas cristiás, espazo reservado ao clero. Tramo que une a ábsida co transepto.

Rosetón

Rosetón: Ventá circular, de estrutura radial, situada nas fachadas das igrexas románicas ou góticas, con grandes zonas caladas, habitualmente decoradas con vidros de cores.

Tímpano

Tímpano:

• A) Espazo interior dun frontón, onde xeralmente se sitúan esculturas ou relevos.
• B) Nunha portada, espazo situado entre a arquivolta e o lintel.