Mitosis: fases, funcións e diferencias clave coa meiosis

Mitose

É un proceso de división asociado a: o desenvolvemento embrionario, a reparación dos tecidos, a reprodución asexual e o crecemento.

Proceso mediante o cal, dunha célula orixínanse dúas células co mesmo número de cromosomas que ela. Por tanto, mantén constante o número de cromosomas.

1 célula (2n) --------------------------------------> 2 células (2n)

Grazas a este proceso todas as células somáticas teñen a mesma dotación cromosómica que o cigoto. É un proceso de división do núcleo continuo, que se pode subdividir en catro fases: Profase → Metafase → Anafase → Telofase.

Fases da mitose

• Profase: Os cromosomas, aínda non totalmente condensados, conteñen cada un dúas cromátides, que permanecen unidas polo centrómero. Os centriolos, xa duplicados, emigran cada par a un polo da célula, permanecendo conectados polos «microtúbulos polares» do fuso mitótico. Desaparecen o nucleolo e a envoltura nuclear (esta última na profase tardía). A ambos lados de cada centrómero fórmase o cinetócoro, que é un centro organizador de microtúbulos.
• Metafase: Os cinetócoros de cada cromosoma forman os «microtúbulos cinetocóricos» que, no seu crecemento, sitúan aos cromosomas no ecuador do fuso mitótico. O fuso mitótico, ou acromático, está entón formado polos microtúbulos polares e polos microtúbulos cinetocóricos, organizados entre os centrosomas.
• Anafase: O centrómero de cada cromosoma divídese e as cromátides sepáranse, arrastradas polos microtúbulos cinetocóricos no seu acortamento, emigrando cada unha cara un polo da célula. Cada cromátide chámase agora «cromosoma fillo».
• Telofase: Fórmanse os nucleolos das células fillas. Comezan a formarse as envolturas nucleares en torno aos cromosomas fillos. Comeza a descondensación dos cromosomas para formar a cromatina. Desaparece o fuso mitótico. Reconstrúense así os dous núcleos fillos.

Mitose e Meiose

• Mitose: 1 división // Meiose: 2 divisións
• Mitose: Orixina 2 células fillas // Meiose: Orixina 4 células fillas
• Mitose: Mantén o número de cromosomas // Meiose: Reduce á metade o número de cromosomas
• Mitose: Na anafase sepáranse as cromátides irmás // Meiose: Na anafase I sepáranse os homólogos
• Mitose: Non hai sobrecruzamento // Meiose: Hai sobrecruzamento
• Mitose: Non xera variabilidade // Meiose: Xera variabilidade (profase I e anafase I)
• Mitose: É o proceso de división das células somáticas // Meiose: É o proceso de división das células xerminais