Sostibilidade e Desenvolvemento: Pilares da Axenda 2030 e Criterios ASG

Conceptos Fundamentais de Sostibilidade

O Desenvolvemento Sostible é o aumento do benestar dos cidadáns sen poñer en perigo o benestar das xeracións futuras, a través da mellora continua na calidade de vida da sociedade. Garante, ao mesmo tempo, un equilibrio entre o crecemento da economía, o respecto do medio ambiente e o benestar social.

Os Gases de Efecto Invernadoiro (GEI) son os gases que absorben e emiten radiación dentro do rango infravermello. Este proceso é a causa fundamental do efecto invernadoiro. Os principais GEI na atmosfera terrestre son o vapor de auga, o dióxido de carbono, o metano, o óxido nitroso e o ozono.

Marcos de Referencia Globais

Marco de Cooperación das Nacións Unidas

É o instrumento máis importante para a planificación e a execución das actividades de desenvolvemento da ONU a nivel nacional, e ten catro obxectivos clave:

1. Articular a resposta colectiva da ONU para axudar os países.
2. Encarnar o espírito de alianza que nos ofrece a Axenda 2030.
3. Converter os principios da Axenda 2030 en accións tanxibles.
4. Proporcionar aos equipos da ONU ferramentas para adaptar as respostas ás necesidades e realidades das nacións.

A Axenda 2030

A Axenda 2030 foi aprobada pola ONU en setembro de 2015.

A Organización das Nacións Unidas (ONU) foi fundada en 1945, despois da Segunda Guerra Mundial, por 51 países que se comprometeron a manter a paz e a seguridade internacional, fomentar entre as nacións relacións de amizade e promover o progreso social, a mellora do nivel de vida e os Dereitos Humanos.

A Axenda 2030 ofrece unha oportunidade para que os países e as súas sociedades emprendan un novo camiño co que mellorar a vida de todas as persoas, sen deixar a ninguén atrás, contando con 17 Obxectivos de Desenvolvemento Sostible (ODS).

Criterios ASG (Ambientais, Sociais e de Gobernanza)

Criterios Ambientais

Están relacionados coa xestión dos recursos naturais, o cambio climático e a relación co planeta para tomar decisións en función de como afecta a actividade da empresa no medio ambiente.

Criterios Sociais

Relacionados cos dereitos humanos, as normas laborais, as políticas de igualdade, a potenciación da diversidade e inclusión como factor positivo e, en xeral, as relacións coa sociedade e as comunidades máis próximas á organización empresarial.

Criterios de Gobernanza

Están relacionados coa estrutura e goberno das organizacións empresariais, accións de boas prácticas, a ética empresarial, a loita contra a corrupción, así como a transparencia na toma de decisións.

Vantaxes de Impulsar as Políticas ASG

• Unha estratexia corporativa plena e responsable.
• Custos de financiamento máis eficientes e sostibles.
• Organización empresarial máis responsable.
• Cumprimento dos requisitos regulatorios.
• Colabora coa conciliación familiar dos empregados.
• Aumento das oportunidades laborais da empresa.
• Redución dos custos operativos e de produción.
• Retorno do investimento.
• Dispoñen dun sistema de gobernanza baseado en principios éticos.
• Mellora da imaxe corporativa.

Clasificación dos Stakeholders

Os stakeholders son grupos ou individuos que poden afectar ou ser afectados polas actividades dunha organización. A súa clasificación inclúe:

1. Propietarios
2. Investidores
3. Empregados
4. Provedores
5. Clientes
6. Credores
7. Sindicatos
8. Comunidades locais
9. Medios de comunicación
10. Institucións políticas