Termos Clave: Do Rexeneracionismo ao Cantonalismo
Conceptos Fundamentais da Historia Contemporánea de España
Rexeneracionismo
Rexeneracionismo: Corrente intelectual, política e literaria moi influente na vida pública española a fins do s. XIX e comezos do XX e desenvolvida por intelectuais e algúns políticos que buscaban a renovación do sistema da Restauración.
Tratado de Valençay
Tratado de Valençay: Acordo asinado na localidade francesa do mesmo nome, en decembro de 1813, polo que o emperador Napoleón ofrecía a paz, finalizaban as hostilidades en España e Fernando VII era reposto no trono. Produciuse como consecuencia das derrotas sufridas na Guerra da Independencia.
Manifesto de Sandhurst
Manifesto de Sandhurst: O Manifesto de Sandhurst foi un manifesto de carácter político asinado o 1 de decembro de 1874 polo entón príncipe Alfonso de Borbón (futuro rei Alfonso XII de España), mentres se atopaba no exilio. Neste documento amosaba a súa disposición para converterse en rei respectando ao Parlamento.
Manifesto dos Persas
Manifesto dos Persas: Escrito público de apoio ao absolutismo asinado por 69 deputados partidarios do Antigo Réxime dirixido a Fernando VII, o rei “desexado”, ao seu retorno ao país co propósito de que este abolera a Constitución de 1812. O manifesto serviu de apoio a Fernando VII para restaurar o poder absoluto do monarca e abolir toda a lexislación das Cortes de Cádiz.
Abdicacións de Baiona
Abdicacións de Baiona: Renuncia ao trono de España por parte de Fernando VII e Carlos IV a favor de Napoleón, que á súa vez proclamou rei de España ao seu irmán Xosé (daquela rei de Nápoles) en maio de 1808 na cidade de Baiona (Francia).
Regalismo borbónico
Regalismo borbónico: É a política de control do goberno do rei ou do Estado sobre a Igrexa, impoñéndolle as regalías ou supostos dereitos absolutos do rei ou do Estado para mandar na Igrexa como en todos os demais asuntos e persoas nos seus dominios.
Cantonalismo
Cantonalismo: Movemento político español partidario dun federalismo de carácter radical que se desenvolveu durante a Primeira República (1873). Buscaba establecer o federalismo en España ata as súas últimas consecuencias fragmentando o país en pequenos “cantóns”, a modo de cidades libres de toda autoridade estatal, que se organizarían libremente en federacións superiores territorialmente.