Autores e Obras Clave da Literatura Galega Contemporánea

1. Novelas de Álvaro Cunqueiro

• Merlín e Familia

  Retoma a figura do mago Merlín no pazo de Miranda, en terras luguesas. A narración está posta en boca de Felipe de Amancia, antigo paxe de Merlín. O libro reúne unha sucesión de historias independentes, aínda que cun mesmo esquema.

• As Crónicas do Sochantre

  Sitúase na Bretaña francesa, protagonizada por un músico que é recollido por un carro no que van varios defuntos. Irá escoitando historias das súas vidas pasadas.

• Se o Vello Simbad Volvese ás Illas

  Inspírase nunha historia de As Mil e Unha Noites. Simbad é un vello xa retirado e rememora as súas aventuras como mariñeiro.

2. Narrativa e Técnica de Ánxel Fole

• As obras A Lus do Candil e Terra Brava están ambientadas na Galicia rural de alta montaña, concretamente nas terras do Alto Courel e no Val do Sil. Reflicten modos de vida daquel tempo e ofrecen abundante información sobre o mundo rural galego: a paisaxe, a economía, etc.

• Os temas dos relatos están relacionados co medo, o misterio e experiencias paranormais, adobiados co humor galego.

• Os dous últimos contos, Na Néboa e Historias que Ninguén Cre, sitúanse na cidade de Lugo e nas vilas próximas, e continúan cos temas de medo e misterio.

• A técnica narrativa de Fole está baseada no conto popular de tradición oral, na técnica do conto marcado, etc.

3. Temas Principais de Xosé Neira Vilas

• A Galicia Rural

  Nuns casos, mediante protagonistas infantís ou adolescentes, como en Memorias dun Neno Labrego, Cartas a Selo e Aqueles Anos de Moncho. Noutros, con protagonistas adultos, como en Xente no Rodicio, A Muller de Ferro e Querido Tomás. Retrato da Galicia campesiña caracterizada pola miseria, a opresión, os prexuízos e a dominación política.

• A Galicia Emigrante

  Obras como Camiño Bretemoso, Historias de Emigrantes, Remuíño de Sombra e Tempo Novo presentan a vida dos inmigrantes galegos en América, os problemas de adaptación ao mundo urbano, a saudade, etc.

• Análise de Memorias dun Neno Labrego

  Conta desde a óptica do neno protagonista –Balbino– a vida dun rapaz nunha aldea do interior de Galicia e presenta as súas frustracións.

4. Novidades Temáticas da Nova Narrativa Galega

• Personaxes anónimos, anormais, violentos, con frecuencia sumidos en estados patolóxicos.

• Os mundos do subconsciente (traumas, pesadelos, soños) tomados da psicanálise de Freud.

• Expresión do absurdo da existencia.

• Ambientes urbanos claustrofóbicos e sórdidos.

• Fuxida da localización dos espazos narrativos.

5. Integrantes e Características da Nova Narrativa Galega

• Integrantes

  • Xosé Luís Méndez Ferrín
  • Carlos Casares
  • María Xosé Queizán
  • Xohana Torres
  • Mourullo

• Características Comúns

  • A maioría teñen estudos universitarios.
  • Reciben unhas mesmas influencias dos escritores e movementos literarios europeos.
  • O compromiso coa lingua galega fai que sexan escritores monolingües.
  • O seu compromiso político maniféstase na súa activa participación en partidos (PSG, UPG).

6. Eixes Temáticos de Xosé Luís Méndez Ferrín

• A temática fantástica, recreación de personaxes e ambientes da materia de Bretaña.

• A exploración do absurdo da existencia humana, a angustia, a violencia individual e institucional.

• O mundo mítico creado polo escritor: Tagen Ata (metáfora de Galicia), lugar no que viven, está sometida por Terra Ancha e loita para conseguir a súa independencia.

7. Narrativa de Carlos Casares

• As tres primeiras obras son de carácter autobiográfico e sitúanse en tres etapas da súa vida: infancia, adolescencia e mocidade.

• As restantes obras ambientanse nun pasado histórico:

  • Narracións Lucidas: situadas entre os séculos X e XX.
  • Os Escuros Soños de Clio: a chegada do cine a unha cidade galega nos comezos do século XX.
  • Ilustrísima: a investigación dunha morte nos comezos da Guerra Civil.
  • Os Mortos daquel Verán: a posición dos intelectuais galeguistas durante a Ditadura Franquista.
  • Deus Sentado nun Sillón Azul.

8. Obras Destacadas de Celso Emilio Ferreiro

• O Soño Sulagado

  É un libro no que se combinan a poesía intimista e a poesía de carácter reivindicativo.

• Longa Noite de Pedra

  Consagración de Celso Emilio como poeta social. Os seus versos convertéronse en bandeira da loita contra a Ditadura Franquista. Algúns poemas foron musicados por Fuxan os Ventos.

• Viaxe ao País dos Ananos e Cantigas de Escarnio e Maldicir

  Son unha mestura de poesía satírica de Celso Emilio, escritas logo da experiencia na emigración en Venezuela. Neles denuncia os galegos que se fixeron ricos a causa de explotar os seus irmáns.