Bigarren Industria Iraultza: Garapena eta Eragina (1870-1914)

Bigarren Industria Iraultza: Garapena eta Eragina

Bigarren Industria Iraultza, 1870etik 1914ra bitartean, aurrekaririk gabeko garapena izan zuen industriaren eta finantzen sektoreetan. Bigarren Industria Iraultzan izandako arrakastaren arrazoietako bat oinarrizko garapen zientifikoa izan zen. Matematika, fisika eta antzeko arloetan garapen handiak izan ziren.

Energia-iturri Berriak

Elektrizitatea eta petrolioa finkatu ziren energia-iturri gisa, eta ikatzarekin eta lurrun-makinarekin lehiatu ziren. Grammek dinamoa asmatu zuen 1872an, Edisonek bonbilla asmatu zuen, eta Bellek telefonoa asmatu zuen. Industriaren sektorean petrolioa ezartzea ere mantso gertatu zen, autoaren garapenari lotuta.

Puntako Sektore Berriak

Siderurgia eta metalurgia garatu egin ziren: burdinaren produkzioa bikoiztu egin zen, eta altzairuarena hogei aldiz handiagotu. Nekazaritzako makinen, ekipo-ondasunen, trenbiderako eta gerrako materialen eta horrelakoen eskaera hainbat eta handiagoa zenez, metalurgiaren dinamismoa bultzatu zuen. Industria kimikoak gero eta garrantzitsuagoak izan ziren, eta industria mekanikoa hedatu egin zen (idazteko makinak, besteak beste).

Garraioen Iraultzaren Goren Aldia

Trenbideen eraikuntza izugarri hazi zen. Trenbideei esker, merkatu nazionalak eta nazioartekoak egituratzen hasi ziren. Ibaien nabigazioa asko hobetu zen lurrun-itsasontziekin, eta konpainia handiak sortu ziren; portuak hobetu ziren ere, ozeanoko kanalak ireki ziren, eta auto-enpresa handiak sortu ziren, hala nola Renault.

Teknologia Berrien Eguneroko Eragina

Aldi horretan, berrikuntza teknologikoek eragin zuzena eta azkarra izan zuten biztanleriarengan. Publizitatearen eta prentsaren garapen ikusgarria izan zen.

Enpresa eta Finantza Kontzentrazioa

Aldaketa guzti horiek enpresetan eta finantzetan antolamendu berria eragin zuten. Gero eta inbertsio gehiago eta kapital kopuru izugarriak jartzen zituzten finantza-talde handien esku geratu ziren industria handiak. Enpresak elkartzen hasi ziren, horrela produkzioa hobeto kontrolatzeko, lehiak saihesteko, kostuak murrizteko eta etekinak handitzeko.

Trust

Trust enpresa bakar batean jarduera mota bera duten lantegi batzuk biltzen dituena da, bertan produkzio-fase guztiak bilduz, lehengaia lortzetik merkatura arte.

Holding

Holding sektore edo eremu bereko enpresa batzuek akordio bat sinatzen zuten prezioak eta soldatak finkatzeko, merkatua kontrolatzeko eta, horrela, enpresen lehia murriztuz, baina beraien independentzia eutsiz.

Taylorismoa: Produktibitatea Hobetzeko

Produktibitatea hobetzeko, taylorismoa sartu zen, produktu bakoitzaren zereginak banatzen zituena eta batez besteko denbora bat jartzen zuena zeregin bakoitzerako.

Industria Potentzia Berriak

Produkzioaren hazkundea ikusgarria izan zen, bereziki Alemanian, AEBetan eta Japonian. Erresuma Batuak, enpresen arloan, industriaren eremuan lehen zuen gaitasuna galdu zuen. Katalunian (ehungintza) eta Euskadin (siderurgia) ere garapen handia izan zen.