Botika Motak: Sailkapena eta Erabilerak

Hormonalak

• Androgenoak: Hormona maskulinoen funtzioa dute.
• Estrogenoak: Hormona femeninoen funtzioa dute.
• Kortikoesteroideak: Antiinflamatorio esteroideoak dira. Erreakzio inflamatorio larriak saihesteko erabiltzen dira. Eragin immunodepresorea dute.
• Glukagoia: Odoleko glukosa-kontzentrazioa igotzen du (intsulinaren kontrako eragina du). Hipogluzemiaren kontra erabiltzen da (urgentzia kasuetan).
• Intsulina: Odolean dagoen glukosa-kontzentrazioa murrizten du. Diabetesa tratatzeko erabiltzen da.

Aparatu Digestiboarekin Lotutakoak

• Bihotzerrearen kontrakoak edo antiazidoak: Urdailaren eta hestegorriaren mukosako mina gutxitzen dute. Urdailaren azidotasuna neutralizatzen dute.
• Laxanteak eta libragarriak: Libratzea errazten dute, idorreria arinduz eta peristaltismoa handiagotuz.
• Antiemetikoak edo goragalearen kontrakoak: Goragalea murrizten dute.
• Ultzeren kontrakoak edo urdaileko babesgarriak: Jariakin gastrikoak murriztuz, urdaileko eta duodenoko ultzerak orbaintzen laguntzen dute.
• Astringenteak edo lehorgarriak: Beherakoak tratatzeko erabiltzen dira.

Arnas Aparatuarekin Lotutakoak

• Diuretikoak: Gernu-bolumena handiagotzen dute. Giltzurrunetako arazoek eragindako hipertentsio arteriala tratatzeko erabiltzen dira.
• Mukolitikoak edo espektoratzekoak: Arnasbideetako jariakinak errazago kanporatzen laguntzen dute.
• Antitusiboak edo antitusigenoak: Emankorra (produktiboa) ez den eztula arintzeko erabiltzen dira.
• Bronkio-zabaltzaileak edo bronkodilatadoreak: Bronkioen hormak zabaltzen dituzte, arnasketa-funtzioa hobetuz. Asmaren kontra erabiltzen dira.

Nerbio-Sistemarekin Lotutakoak

• Analgesiko ez narkotikoak: Mina arintzeko erabiltzen dira. Analgesiaz gain, eragin antipiretikoa edota antiinflamatorioa izan dezakete.
• Analgesiko narkotikoak: Mina sakona tratatzeko erabiltzen dira. Eragin lasaigarria dute. Menpekotasuna eragiteko arriskua daukate.
• Antipsikotikoak edo neuroleptikoak: Eskizofrenia eta psikosia bezalako gaixotasun mentalak kontrolatzen laguntzen dute.
• Antidepresiboak: Gogo-aldartea hobetzen dute.
• Anestesikoak: Mina, sentikortasuna eta mugitzeko ahalmena desagertarazten dituzte, nerbio-bulkada blokeatuz.
• Estimulatzaileak: Alerta-egoera bultzatzen dute. Menpekotasuna eragiteko arriskua daukate.
• Hipnotikoak: Logura ematen dute. Batzuk lasaigarriak dira. Beste batzuk, epilepsia eta asaldura psikiatriko batzuk tratatzeko erabiltzen dira. Menpekotasuna eragin dezakete.
• Konbultzio kontrakoak edo antikonbultsiboak: Epilepsiaren kontrakoak edo antiepileptikoak: konbultsioak arintzen dituzte.
• Antsiolitikoak edo lasaigarriak: Lasaitu eta erlaxatzen dute. Horrela, antsietate- eta tentsio-egoerak arintzen laguntzen dute.

Bihotz-Hodietako Sistemarekin Lotutakoak

• Antiarritmikoak eta arritmiaren kontrakoak: Bihotz-taupaden maiztasuna eta erritmoa erregulatzen dute.
• Hodi-zabaltzaile periferikoak edo basodilatadoreak: Odol-hodi periferikoen argia handitzen dute, odol-hodiak zabalduz.
• Antianginosoak edo anginaren kontrakoak: Hodi-zabaltzaile koronario gisa aritzen dira. Gutxiegitasun koronarioetan erabiltzen dira.
• Koagulatzaileak edo antihemorragikoak: Odolaren gatzapen-prozesua bizkortzen dute.
• Antianemikoak: Anemia desberdinak tratatzeko erabiltzen dira: burdina, B12 bitamina eta azido folikoa, besteak beste.
• Antitrombotikoak edo antikoagulatzaileak: Odolaren gatzapen-denbora atzeratzen dute. Odol-batuen sorrera ekiditeko erabiltzen dira.
• Kardiotonikoak: Bihotz-muskuluaren indarra handiagotzen dute. Bihotz-gutxiegitasuna tratatzeko erabiltzen dira.

Beste Batzuk

• Antigripalak: Gripeak eragiten dituen sintomak arintzeko erabiltzen dira.
• Antihistaminikoak: Erreakzio alergikoen kontra erabiltzen dira.
• Antibiralak edo biruzidak: Birusek eragindako infekzioen kontra erabiltzen dira.
• Immunosupresoreak: Sistema immunologikoaren erantzuna gutxitzen dute. Transplanteen errefusak prebenitzeko erabiltzen dira.
• Antimikotikoak edo antifungikoak: Onddoek eragindako infekzioen kontra erabiltzen dira.
• Antibiotikoak: Bakterioek eragindako infekzioen kontra erabiltzen dira.