Códigos comunicativos na imaxe: espacial, gestual e lumínico

Códigos comunicativos

O coñecemento é imprescindible para “ler” calquera imaxe de forma comprensiva e crítica

1. Código espacial

Fai referencia ao lugar e ao espazo no que se desenvolve o contido da imaxe.

Esto ven determinado pola elección do punto de vista desde onde se toma a escena.

O punto de vista non só dá noticia da posición física do autor da fotografía senón que indefectiblemente sitúa tamén ao observador da imaxe.

Pódense diferenciar en:

• Superior ou “picado”
• Inferior ou “contrapicado”
• Frontal

As tomas frontais presentan a realidade máis obxectiva e realista fronte ás distorsións dos puntos de vista picados e contrapicados, establecéndose así as relacións de: obxectividade – distorsión ou realismo – engano.

2. Código gestual e escenográfico

Fai referencia aos xestos que manifestan as figuras representadas así como a escenografía que as acompaña.

Ao analizar unha imaxe é importante pararse na sensación que nos produce as expresións, os xestos e as actitudes das figuras (alegría, tristeza, sorpresa, indiferenza, menosprezo, enoxo, nerviosismo, angustia, desexo…)

Do mesmo xeito convén examinar detidamente a escenografía e outros elementos que estean adxectivando o tema principal (vestiario, maquillaxe, obxectos que aparecen…).

3. Código lumínico

Refírese ao tratamento luminoso polo cal se representa a imaxe e o tema en xeral. Contempla a natureza da luz, a súa calidade e dirección.

• A natureza da luz diferencia entre luz natural e luz artificial.
• A súa calidade, alude á luz fría, luz cálida ou luz acolorida.
• A direccionalidade, á situación espacial: frontal, cenital, lateral, posterior…
• A combinación destas características da luz, fundamento esencial da fotografía, e que tanta significación van agregando á imaxe, se agrupan baixo o termo xerérico de tratamento da luz.
• Unha luz frontal aplasta as figuras e lles dá un aspecto vagamente irreal.
• A iluminación posterior separa as figuras do fondo e agrega tridimensionalidade á imaxe.
• A luz lateral acentúa volumes
• A luz de abaixo a arriba pode producir deformacións inquietantes ou siniestras