DBKS Berreskuratze-mekanismoak eta Transakzioak

Alderdi Orokorrak

DBKS-ak informazioaren eskuragarritasuna bermatu behar du. Horregatik, datu batzuk/guztiak galerazten dituzten hutsegite logiko edo fisikoetatik berreskuratzeko mekanismoak eskaintzen ditu.

DBKS-eko Berreskuratze-mekanismoa

• Hutsegitea gertatu aurretik zuen azken egoera koherentera berreskuratzeaz arduratzen da.
• Erabilgarritasun handia bermatu behar du, berreskuratze-denbora murriztuz.

Transakzioa: Definizioa (I)

• Prozesatze-unitate logikoa: Datu-baserako hainbat atzipen-eragiketa (kontsultak edo eguneraketak) egikaritzen dituen sententzia-segida.
• Osotasun-kontrolerako unitate logikoa: DB-a egoera koherente batetik bestera eramaten duen sententzia-segida.

Transakzioa: Definizioa (II)

Eta aldi berean:

• Konkurrentzia-kontrolerako unitate logikoa
• Berreskuratze-unitate logikoa

Transakzioa: Exekuzioa

• Irakurketa/idazketa multzoa:
  • START TRANSACTION [BEGIN]
  • [END]
• Transakzioaren amaiera:
  • Ondo bukatzen bada: eguneraketak datu-basean gorde behar dira (COMMIT).
  • Ondo bukatzen ez bada: datu-basean eragindako aldaketa guztiak desegin egin behar dira (ROLLBACK).

ACID Propietateak (I)

• Atomicity – Atomikotasuna (prozesatze-unitate logikoa): Transakzio bat ezin da partzialki exekutatu: oso-osorik exekutatzen da, edo ez da batere exekutatzen.
• Consistency – Koherentzia mantentzea (osotasun-kontrolerako unitate logikoa): DB-a egoera koherente batetik beste egoera koherente batera eramaten du.

ACID Propietateak (II)

• Isolation – Isolamendua (konkurrentzia-kontrolerako unitate logikoa): Transakzio bat beste transakzioetatik isolatuta exekutatzen ari balitz bezala exekutatu behar da. Transakzio baten exekuzioak ez du interferentziarik sortu modu konkurrentean exekutatzen ari diren beste transakzioekin.

ACID Propietateak (III)

• Durability – Iraunkortasuna (berreskuratze-unitate logikoa): Transakzio hitzartu batek egindako aldaketek (COMMIT egin ondoren) iraun behar dute. Aldaketa horiek ez dira hutsegite baten ondorioz galduko.

Berreskuratzea: Definizioa

Informazioa egoera koherente batera eraman, sistemaren errore baten ondorioz sortutako (balizko) egoera inkoherente batetik.

DBKS-ak bermatzen du:

• Transakziorik galtzen ez dela.
• Transakzioak ez direla partzialki exekutatzen.
• Transakzioak behin bakarrik exekutatzen direla.

Oinarri Nagusia

Erredundantzia fisikoa.

Beharrezko Informazioa (I)

Berreskuratze-azpisistemak transakzioak kontrolatu behar ditu:

• Noiz hasten da?
• Noiz amaitzen da?
• Ondo amaitzen da?
• Bertan behera uzten da?

Beharrezko Informazioa (II)

Berreskuratze-kudeatzaileak hurrengo eragiketak kontrolatzen ditu:

• START TRANSACTION
• READ*
• WRITE
• END_TRANSACTION
• COMMIT
• ROLLBACK