Demografia eta Gizartearen Adierazleak

Oinarrizko Tasak

Jaiotza-tasa: Urtebeteko jaiotza kopurua, biztanleria osoarekin erlazionatua, milakotan adierazia.

Ugalkortasun-tasa: Urtebeteko jaiotza kopurua, seme-alabak izateko adinean dauden emakumeen kopuruarekin erlazionatua, milakotan adierazia.

Heriotza-tasa: Urtebeteko heriotza kopurua, biztanleria osoarekin erlazionatua.

Ugalkortasun-tasa sintetikoa: Emakume bakoitzeko seme-alaben batez bestekoa. Belaunaldi batek bere burua ordezkatzeko, batez beste 2,1 seme-alaba behar dira emakumeko.

Haurren heriotza-tasa: Urtebete baino lehen hildako haurren kopurua, urte horretan bizirik jaiotakoen guztizkoarekin erlazionatua.

Bizi-itxaropena: Biztanleria talde bateko pertsonek bizi izandako urte-kopurua, talde hori osatzen duten gizabanakoen kopuruarekin erlazionatua.

Hazkunde Naturala eta Adin Piramidea

Hazkunde naturala: Jaiotzen eta hiltzen diren pertsonen arteko aldea. Jaiotzak positiboak dira, heriotzak negatiboak.

Adin-piramidea: Grafiko batek adina eta sexua adierazten ditu. Adina 5 urtez behin neurtzen da. Ezkerreko zutabean gizonak eta eskuinekoan emakumeak adierazten dira. Ardatz bertikalean adina dago, 5 urteko tarteetan multzokatuta.

Biztanleria Aktiboa eta Sektore Ekonomikoak

Biztanleria aktiboa: 16 urtetik gorakoak, lanean daudenak edo lan egin nahi dutenak.

Kontratu mugagabeak eta aldi baterako kontratuak: Kontratu mugagabeek ez dute amaiera datarik. Bizitza osorako izan daitezke edo bihar bertan kaleratua izatea.

Sektore ekonomikoak: Ekonomia hainbat adarretan zatituz sortzen dira. Hiru sektore nagusi daude: lehen sektorea (nekazaritza), bigarren sektorea (industria) eta hirugarren sektorea (zerbitzuak).

Migrazioa eta Asilo Eskubidea

Migrazio-saldoa: Zenbat pertsona joaten diren eta zenbat pertsona etortzen diren aztertzen du.

Nekazal exodoa: XX. mendean nekazal eremuetatik kostaldera joan zen jendea, lan bila.

Asilo-eskubidea: Munduko lege nagusiek diote gerra egoeran edo jazarpen politikoarengatik etorkin batek asilo eskubidea eskatu dezakeela.

Errolda eta Zentsoa

Udal-errolda: Udaletxe baten inguruko dokumentu publikoa, adina, sexua eta jarduera profesionala bezalako datuekin.

Zentsoa: Biztanleria edo estatu baten biztanleen zerrenda ofiziala, baldintza sozial, ekonomiko eta abarrei buruzko datuekin.

Erregistro zibila: Jaiotzak, ezkontzak eta heriotzak jasotzen ditu. Datu hauekin, INE (Estatistika Institutu Nazionala) biztanleriaren mugimendu naturalari buruzko estatistikak lantzen ditu.