Diru Fiduziarioa, Nazioarteko Merkataritza eta Protekzionismoa

Diru Fiduziario Motak

Diru fiduziarioa bi motatakoa izan daiteke:

• Legezko dirua: arlo horretan eskumena duen erakundeak jaulkitako billeteak eta txanponak.
• Banku dirua: idazpenetan jasota dagoena, baina modu birtualean soilik existitzen dena, bankuan dagoelako.

Nazioarteko Merkataritza

Hainbat faktorek eragiten dute nazioarteko merkataritzan:

• Ekoizpen-kostuak

  Ekoizpen-kostuek eragin erabakigarria dute ondasunen eta zerbitzuen salmentarako ezarritako prezioetan, eta bi faktore hauen araberakoak dira: zer ekoizpen-bitarteko dauden eta zer teknologia erabiltzen den.

• Eskaria

  Eskariak nazioarteko merkataritza sustatzen du. Izan ere, praktikan, oso zaila da herrialde batek bere kabuz bertako biztanleen lehentasunak edo zaletasunak asetzeko beharrezko guztia ekoiztea.

Neurri Protekzionistak Hartzeko Arrazoiak

• Interes orokorrerako estrategikotzat jotzen diren industriak babestea

  Adibidez, herrialdearen defentsarekin lotutakoak.

• Industrializazioa eta enplegua sustatzea

  Bi helburu nagusi: atzerriko produktuak herrialde barnekoekin ordezkatzea, eta enpresen etekin eta langileen soldaten bidez herrialdeko errenta handitzea.

• Gora egiten ari diren industriak garatzea

  Lehiakortasuna lortzeko lagungarriak diren faktore jakin batzuek denbora behar izaten dute garatzeko: teknologiak, eskala-ekonomiak, produktibitateak…

• Diru-biltzea

  Herrialde bateko edo aduana-lurralde bateko agintariek enpresa inportatzaileei zenbateko jakin bat kobratzea oso diru-iturri garrantzitsua da.

Merkataritza Askea

Argudio nagusiak:

• Ekoizpen-faktoreen efizientzia handiagoa

  Beste herrialdeekiko abantaila konparatiboa ematen dioten ondasunetan espezializatuz gero, herrialde batek bere ekoizpen-aukerak areagotzen ditu eta horrek enplegua eta aberastasuna sortzen ditu.

• Lehia sustatzea eta areagotzea

  Herrialde jakin bateko merkatuan atzerritar lehiakideak sortzen badira, bertako enpresek efizientzia handiagoa lortu behar dute, merkatu-kuota ez galtzeko.

• Ondasunen eta zerbitzuen kalitate eta aniztasun handiagoa

  Nazioarteko merkataritzarik gabe, produktu jakin batzuk ez genituzke izango, edo urriak izango lirateke.

• Eskala-ekonomiak lortzea

  Eskala-ekonomiak lortzeko, oso merkatu zabalak behar dira, ekoizpena areagotu behar baita, kostuak murrizteko.