Discos Ópticos: Guía Completa de Almacenamento Dixital

CD-ROM: O Disco de Só Lectura

O CD-ROM contén información que só pode ser lida, polo que se utiliza para almacenar datos que non teñan que ser modificados. A información dun CD-ROM está almacenada nunha soa cara, seguindo unha pista única en forma de espiral que comeza no centro do disco e remata no bordo exterior; esta pista está dividida en sectores. Para que o ordenador poida ler a información, debe dispoñer dunha unidade lectora de CD-ROM.

DVD-ROM: Alta Capacidade e Evolución

Os discos DVD-ROM son, fisicamente, semellantes aos CD-ROM, pero a súa capacidade é moito maior (ata 17 GB). Esta capacidade conséguena aumentando a densidade de escritura, aproveitando as caras do disco e almacenando, en cada cara, información en varias capas superpostas. O láser utilizado é distinto ao dos CD-ROM.

DVD Gravables e Regravables: Formatos e Compatibilidade

Tanto os discos como as unidades lectoras de DVD evolucionaron ata ofrecer a posibilidade de gravar e regravar información neles. Sen embargo, hai varios formatos no mercado que non chegaron a unificarse e que non son compatibles entre si:

• DVD-R: Discos que permiten unha soa gravación; poden ser dunha capa (4,7 GB) ou de dobre capa (8,5 GB).
• DVD-RW: Discos que permiten ser gravados varias veces; tamén poden ser de capa simple ou de capa dobre.
• DVD+R: Discos dun só uso, similares aos DVD-R, pero, segundo os seus creadores, con máis compatibilidade respecto aos DVD-ROM e DVD-vídeo convencionais.
• DVD+RW: Discos regravables similares aos DVD-RW, pero coa compatibilidade dos DVD+R; ao igual que todos os anteriores, poden ser de capa simple (4,7 GB) ou de dobre capa (8,5 GB).

Blu-ray Disc: A Nova Xeración en Alta Definición

O Blu-ray Disc é un formato de disco óptico de nova xeración de 12 cm de diámetro (igual que o CD e o DVD) para vídeo de gran definición e almacenamento de datos de alta densidade. A súa capacidade de almacenamento chega a 25 GB por capa. O disco Blu-ray fai uso dun raio láser de cor azul, a diferenza do láser vermello utilizado en lectores de DVD. Permite almacenar substancialmente máis información que o DVD nun disco das mesmas dimensións e aspecto externo.

Unha capa de disco Blu-ray pode conter ao redor de 25 GB ou preto de 6 horas de vídeo de alta definición máis audio; tamén está no mercado o disco de dobre capa, que pode conter aproximadamente 50 GB. A velocidade de transferencia de datos é de 36 Mbit/s (54 Mbps para BD-ROM), pero xa están en desenvolvemento prototipos a velocidade de transferencia 2x (o dobre, 72 Mbit por segundo).

CD Gravables e Regravables: Opcións de Almacenamento

As gravadoras de CD-ROM permiten gravar, en discos virxes, a información desexada de forma permanente e non poderá ser modificada. Aos discos gravables denomínanselle tecnicamente discos WORM e identifícanse mediante as siglas CD-R. Os discos regravables son denominados CD-RW.