Eguzki-energia eta energia nuklearraren arteko alderaketa

Eguzki-energia vs. Energia nuklearra

Sarrera

Lan honetan bi energia mota alderatuko ditugu: eguzki-energia (berriztagarria) eta energia nuklearra (berriztaezina). Azterketa honen helburua, ondoren, jasotako informazio guztiarekin poster zientifiko bat osatzea da.

Eguzki-energia

Eguzki-energia eguzkitik lortzen den energia berriztagarria da. Batez ere, elektrizitatea eta energia termikoa lortzeko erabiltzen da.

Gizakiak antzinatik atera dio onura eguzki-energiari, garatutako teknologiaren bidez. Energia eolikoarekin eta energia hidroelektrikoarekin batera, energia berriztagarrien multzo nagusia osatzen du.

Erabileraren adibide batzuk:

• Berotze eta hozte sistemak (adibidez, ura berotzeko).
• Edangarria den ura destilatzea eta desinfektatzea.
• Argi naturala.

Energia jasotzeko bi modu nagusiak:

Eguzki-energia jasotzeko bi modu daude: pasiboa eta aktiboa.

• Pasiboa: Ez du ekipamendu osagarririk behar energia-eraldaketa burutzeko. Esaterako, eguzkira bideratuta dauden eraikuntzak.
• Aktiboa: Korronte zuzena korronte alterno bihurtzen duen gailu elektriko bat behar du. Horrela, panelen bidez edo eguzki-kolektore termikoen bidez, eguzkitik lortutako energia aprobetxatu eta elektrizitate bihurtzen da.

Abantailak eta desabantailak

Abantailak:

• Eguzkiak energia-iturri agortezina eskaintzen du.
• Ez du atmosfera kutsatzen.
• Ez du berotegi-efektuko gasik sortzen.
• Ez du uraren kutsadurarik sortzen.
• Ez du poluzio akustikorik sortzen.
• Panel bat osatzen duten materialen % 90 birziklatu egiten da.

Desabantailak:

• Ekoizpena baldintza klimatikoen araberakoa da.
• Eguzki-panelak jartzea garestia da.
• Lur eremu handiak hartzen ditu.
• Ez du funtzionatzen eguzkirik ez dagoenean; hau da, klimaren menpekoa da.

Energia nuklearra

Energia nuklearra atomo baten barruan, hau da, nukleoan dagoen energia da. Atomoen nukleoko energia lortzeko erreakzio nuklearrak erabiltzen dira, eta bi motatakoak daude:

• Fusio nuklearra: Bi atomo txiki elkartzen direnean atomo astun bat sortzen da eta energia asko kanporatzen da. Energia hori elektrizitate bihurtzen da.
• Fisio nuklearra: Atomo astun bat bi zatitan banatzen denean energia asko askatzen da, eta energia hori elektrizitate bihurtzen da.

Abantailak eta desabantailak

Abantailak:

• Elektrizitate kantitate handia sortzen du.
• Ez du berotegi-efektuko gasik isurtzen.
• Erregai fosilekiko mendekotasuna murrizten du.
• Ingurumenari kalte gutxiago egiten dio (isuriei dagokienez).

Desabantailak:

• Ez da erregai fosilekin bezainbeste aurrezten.
• Hondakin erradioaktiboak sortzen dira.
• Istripu nuklearrak gerta daitezke.
• Uranioarekiko mendekotasuna handitzen da.
• Zentral nuklearrak eraikitzea oso garestia da.

Ondorioak

Guk uste dugu eguzki-energia hobea dela energia nuklearra baino, natura zaintzea etekin handiagoa ateratzea baino garrantzitsuagoa dela pentsatzen baitugu.

Eguzki-energiak ez du atmosfera kutsatzen, ez du ura kutsatzen eta ez du poluziorik sortzen; gainera, eguzki-panelek osagaien % 90 aprobetxatzen dute. Energia nuklearrak, berriz, eguzki-energiak baino elektrizitate gehiago sortzen du, baina ura kutsatzen du eta poluzio arriskuak sortzen ditu.