Ekonomia Kontzeptu Garrantzitsuak Enpresan

Puntu Hila: Definizioa eta Kalkulua

Puntu Hila enpresen diru-sarrerak kostu totalekin berdintzeko ekoitzi eta saldu behar diren unitate kopurua da, hau da, etekinak lortzen hasteko saldu beharreko gutxieneko kopurua.

Puntu Hila kalkulatzeko formula nagusia:

Q* = KF / (P - KAu)

Mozkina (M) kalkulatzeko formulak:

M = SG - KG

M = (p · q) - (KF + KA)

Puntu Hileko diru-sarrerak:

P · q* = KF + (KAu · q*)

X mozkin bat lortzeko saldu beharreko produktu kopurua:

Q = (KF + M) / (P - KAu)

Terminoen definizioak:

• SG: Salmenta Gordina (Q · P)
• KG: Kostu Gordina (KF + KA)
• KA: Kostu Aldakorra (KAu · Q)
• KF: Kostu Finkoa (Kostu Totala - Kostu Aldakorra)
• P: Prezioa (Urteko Salmenta (SG) / Saldutako Unitatea (QS))
• KAu: Kostu Aldakor Unitarioa (KA / Saldutako Unitatea (QS))

Eskala Ekonomikoa

Eskala Ekonomikoa: Enpresa bat gai denean epe luzean kostu finkoak produktu unitate askoren artean banatzeko, ekoizpena modu eraginkorragoan merkaturatuz.

Errendimendu Beherakorren Legea

Errendimendu Beherakorren Legea: Ekoizpen baliabideen kantitatea handitzen denean, gainerakoak aldatzen ez badira, guztizko ekoizpenaren hazkundea geldoagoa izango da, ez da haziko edo jaitsi egingo da.

Gizarte Erantzukizun Korporatiboa (GEK)

GEK: Enpresek mozkinak lortzeaz gain, gizartearen alde jarduten dute, gizarte- eta ingurumen-kezka etikoak borondatez integratuz.

Merkatua

Merkatua: Eskaintzaileek eta eskatzaileek produktu edo zerbitzu baten inguruan egindako salerosketa jarduera multzoa.

Eskaria

Eskaria: Eskatzaileek (erosleek) prezio jakin batean ondasun edo zerbitzu baten zer kantitate erosteko prest dauden adierazten du.

Eskaintza

Eskaintza: Enpresek prezio jakin batean ondasun edo zerbitzuaren zer kantitate ekoizteko prest dauden adierazten du, ekoizpen kostuak eta enpresa-helburuak kontuan hartuta.

Elastikotasuna

Elastikotasuna: Eskatutako edo eskainitako kantitatea haietan eragiten duten faktoreak aldatzean zenbat aldatzen den neurtzen du. Kasu honetan, prezioaren elastikotasuna aztertuko dugu.

• QD: Eskatutako Kantitatea
• QO: Eskainitako Kantitatea
• EP = 1: Eskatutako kantitatea eta prezioa proportzio berean aldatzen dira.
• EP > 1: Eskaria elastikoa da; eskatutako kantitatea prezioa baino proportzio handiagoan aldatzen da.
• EP < 1: Eskaria ez-elastikoa da; eskatutako kantitatearen aldaketa txikiagoa da prezioaren aldaketa baino, hau da, eskaria prezioa baino proportzio txikiagoan aldatzen da.

Enpresa Helburuak

• Mozkinak maximizatzea: Sarrerak handitzea eta gastuak murriztea.
• Egonkortzea eta hazkundea: Enpresaren joera hazkorra mantentzea.
• Eraginkortasuna hobetzea: Ekoizpena handitzea eta merkatu gehiagotara hedatzea.
• Enplegua eta aberastasuna sortzea: Enpresaren eragin-eremuan (adibidez, azpikontratazioen bidez).
• Gizartearen ongizatea hobetzea: Produktu berriak eta teknologia efizienteagoak sortuz, berrikuntzaren bidez ekonomia aurreratuz.