Enpresaren Balantzea: Aktibo, Pasibo eta Ondare Garbia

Clasificado en Economía

Escrito el 2 de Agosto de 2025 en vasco con un tamaño de 7,7 KB

Aktibo Ez-korrontearen Ondare-elementuak

Enpresaren epe luzeko inbertsioak eta baliabideak biltzen ditu, urtebete baino gehiagoko iraupena dutenak.

Industria-jabetza: Patente edo marka gisako jabetzen balioa islatzen du.
Aplikazio informatikoak: Programa informatikoen balioari dagokio.
Ibilgetu ukiezinaren amortizazio metatua: Ibilgetu ukiezinaren balio-galera adierazten du. Garrantzitsua! Zeinu negatiboa du.

Lurrak eta ondasun naturalak: Orubeen, landa-finken eta antzekoen balioa islatzen du.
Eraikuntzak: Enpresaren jarduerarako erosi diren eraikinen, lonjen, biltegien balioa.
Instalazio teknikoak: Ekoizpen-prozesuan erabilitako unitate konplexuak (gasolindegiak, ur-araztegiak, findegiak, etab.).
Makineria: Produktuen ekoizpenerako erositako makinak.
Tresneria: Enpresak erositako tresnak eta erremintak (mailuak, kurrikak, bihurkinak, etab.).
Altzariak: Enpresaren altzarien eta beste ekipamendu batzuen balioa da (mahaiak, kalkulagailuak, idazmakinak, etab.).
Informazioaren prozesamendurako ekipoak: Ordenagailuak eta gainerako ekipamendu elektronikoak (inprimagailuak, mugikorrak, tabletak, etab.).
Garraio-elementuak: Enpresak erositako ibilgailu mota ororen (autoak, kamioiak, itsasontziak, etab.) balioa.
Ibilgetu materialaren amortizazio metatua: Ibilgetu materialaren balio-galera. Garrantzitsua! Zeinu negatiboa du.

Epe luzeko inbertsioak: Beste enpresetan egindako inbertsio iraunkorrak, hala nola akzioak, obligazioak, bonuak eta beste errenta finkoko baloreak.
Epe luzeko kredituak: Enpresak emandako mailegu eta kredituak, urtebetetik gorako epemugarekin.
Epe luzeko ezarpenak: Enpresak bankuan egiten dituen gordailuak, urtebetetik gorako eperako.

Enpresaren epe laburreko baliabideak eta eskubideak biltzen ditu, urtebete baino gutxiagoko ziklo ekonomikoa dutenak.

Salgaiak: Enpresak eraldatu gabe saltzeko erositako produktuak.
Lehengaiak: Eraldatzeko eta produktu amaituak ekoizteko enpresak erositako materialak.
Produktu erdi landuak: Oraindik ekoizten ari diren produktuak (ez daude amaituta saltzeko).
Produktu amaituak: Enpresak ekoiztu dituen eta jada amaituta dauden produktuak, saltzeko prest.
Erregaiak: Biltegiratu daitezkeen enpresak erositako materia energetikoak.
Ordezko piezak: Enpresako mota guztietako ordezko piezak.
Bulegoko materiala: Folioak, boligrafoak, karpetak, etab.

Bezeroak: Enpresak dituen kobrantza-eskubideak (fakturak) bere produktuak kredituan saltzeagatik (produktu amaituak, salgaiak, etab.).
Bezeroak, kobratzeko merkataritza-efektuak: Enpresaren kobratzeko eskubideak bezeroei kredituan saltzeagatik, onartutako kanbio-letren bidez formalizatuak.
Zordunak: Enpresaren kobratzeko eskubideak (fakturak), ohiko jarduerakoak EZ diren zerbitzuak kredituan emateagatik.
Zordunak, kobratzeko merkataritza-efektuak: Zordunei emandako kredituak, onartutako kanbio-letren bidez formalizatuak.
Epe laburreko inbertsio finantzarioak: Epe laburreko mozkina lortzeko asmoz akzioen erosketa.
Epe laburreko kredituak: Enpresak emandako kredituak eta maileguak urtebetetik beherako epearekin.
Epe laburreko ezarpenak: Bankuan egindako gordailuak, urtebete baino gutxiagoko eperako.
Ogasuna, hainbat kontzepturengatik zorduna: Ogasunak enpresarekin dituen zorrak (zerga-itzulketak eta antzekoak).
Gizarte Segurantzako erakundeak, zordunak: Enpresak Gizarte Segurantzarekin dituen aldeko kredituak, gizarte-prestazioekin lotuta daudenak, adibidez, langileen lanerako ezintasun iragankorragatiko prestazioak (enpresak prestazioaren ordainketa aurreratzen die langileei).

Bankuak: Enpresak ageriko eta aurrezki-kontu korronteetan duen dirua. Hiru hilabete baino gutxiagoko ezarpenak ere sartzen dira hemen.
Kutxa: Eskudirua.

Enpresaren finantzaketa-iturriak eta zorrak biltzen ditu.

Kapitala: Banakako enpresan, jabearen ekarpena. Enpresa sozietatea bada, Kapital soziala deitzen diogu.
Erreserbak: Enpresak banatu gabeko mozkinak dira. Izan daitezke: legezko erreserba, borondatezko erreserba edo estatutu-erreserba.
Ekitaldiko emaitza: Ekitaldi ekonomikoa amaitu ondoren geratzen den mozkina da, bazkideek banatzeko modua erabaki baino lehen. Galerak izatekotan, zeinu negatiboa du.

Kreditu-erakundeekiko epe luzeko zorrak: Kreditu-erakundeetatik jasotako maileguak, urtebetetik gorako epemugarekin.
Epe luzeko obligazioak eta bonuak: Enpresak jaulkitako obligazioak eta bonuak, urtebetetik gorako epean itzultzeko.
Epe luzeko ibilgetuaren hornitzaileak: Ibilgetuaren hornitzaileekiko zorrak, urtebetetik gorako epean ordaintzeko.
Epe luzeko beste zorrak: Urtebete baino gehiagoan ordaintzeko zorrak, aurrekoez bestelakoak.
Epe luzeko ordaintzeko efektuak: Urtebetetik gorako epemugako zorrak, onartutako kanbio-letren bidez formalizatuak.

Hornitzaileak: Izakinen hornitzaileekiko zorrak (fakturak), lehengaiak, salgaiak, etab. kredituan erosteagatik.
Hornitzaileak, ordaintzeko merkataritza-efektuak: Hornitzaileekiko zorrak, onartu ditugun kanbio-letren bidez formalizatuak.
Zerbitzu-emateagatiko hartzekodunak: Hornitzaileak ez diren zerbitzu-emaileekiko zorrak.
Hartzekodunak, ordaintzeko merkataritza-efektuak: Hartzekodunekiko zorrak, onartu ditugun kanbio-letren bidez formalizatuak.
Epe laburreko ibilgetuaren hornitzaileak: Ibilgetuaren hornitzaileekiko zorrak, urtebetetik beherako epemugan ordaintzeko.
Kreditu-erakundeekiko epe laburreko zorrak: Kreditu-erakundeetatik jasotako maileguak, urtebetetik beherako epemugarekin.
Epe laburreko obligazioak eta bonuak: Enpresak jaulkitako obligazioak eta bonuak, urtebetetik beherako epemugan itzultzeko.
Epe laburreko beste zorrak: Urtebete baino gutxiagoan ordaintzeko zorrak, aurrekoez bestelakoak.
Epe laburreko ordaintzeko efektuak: Urtebetetik beherako epemugako zorrak, onartutako kanbio-letren bidez formalizatuak.
Ogasuna, hainbat kontzepturengatik hartzekoduna: Ogasunarekin zergen ondorioz hartutako zorrak (BEZaren edo Sozietate Zergaren likidazioagatik, egindako atxikipenengatik, etab.).
Gizarte Segurantzako erakundeak, hartzekodunak: Gizarte Segurantzarekiko zorrak (kotizazioak, etab.).

Etiquetas: