Eremu Kontserbakorrak eta Grabitatorioak: Definizioak eta Legeak

Eremu Kontserbakorrak eta Ez Kontserbakorrak

Eremu kontserbakorra ondorengo propietate hauek betetzen dituena da:

1. Partikula bat A puntutik B puntura eramateko, eremuaren indarrek egindako lanak hasierako eta amaierako puntuen mende baino ez dagoenean, hau da, egindako bidearen mende ez dagoenean.
2. Bide itxian egindako lana nulua denean.
3. Badago magnitude eskalar berezi bat, energia potentziala, non...

Energia Potentzial Grabitatorioa

Energia potentzial grabitatorioa (E_p), masa batek (m₂) duen energia da, grabitatearen eraginpean dauden beste masen artean aurkitzeagatik:

E_p = -G ((m₁ * m₂) / r)

Magnitude eskalarra da, jouletan neurtzen da eta horrela definitzen da: m masak espazioko puntu batean duen energia potentzial grabitatorioa, masa hori puntu horretatik infinituraino eramatean eremu grabitatorioak egiten duen lana da.

Potentzial Grabitatorioa Masa Puntual Batean

Puntu bateko potentzial grabitatorioa, puntu horretan masa unitateak duen energia bezala definitzen da.

V = (E_p / m) = -G (M₁ / R)

Non M₁ eremua sortzen duen masa den. J/kg da bere unitatea. Definizioa: espazioko puntu bateko potentzial grabitatorioa masa unitatea puntu horretatik infinituraino eramatean eremu grabitatorioak egiten duen lana da.

Energia Mekaniko Osoa

Gorputz baten energia mekanikoa, gorputz horren energia zinetikoaren eta energia potentzialaren arteko batura bezala definitzen dugu:

E_m = E_z + E_p

Energiaren Kontserbazio Printzipioa

Gorputz baten gainean indar kontserbakorrek bakarrik lana egiten badute, gorputzaren energia mekanikoak konstante irauten du:

E_m = E_zA + E_pA = E_zB + E_pB = kte

Keplerren Legeak

1. Lehenengo legea: Planeta guztiek orbita eliptikoak burutzen dituzte, Eguzkia elipsearen foku batean dago kokatuta.
2. Bigarren legea: Planeta eta Eguzkia elkartzen dituen lerro zuzenak azalera berdinak zapaltzen ditu denbora tarte berdinetan.
3. Hirugarren legea: Planeta guztien orbiten (R³ / T²) = kte, hau da, zenbaki bera ematen du, nahiz eta planeta bakoitzaren erradioa eta periodoa ezberdina izan.

Orbitan: F_G = F_Z ... (G * M / R) = V² eta abiadura konstantea denez ... V² = ((4 * π² * r²) / T²) beraz, planeta guztietarako konstantea dena: (G * M) / (4 * π²) = R³ / T² = kte