Espainiako Hirien Hierarkia eta Hiri Sistema

Espainiako Hirien Hierarkia

Espainiako hirien hierarkia hiru zatitan banatzen da:

1. Metropoliak: Hierarkiaren tontorrean dauden metropoliak dira; eginkizun dibertsifikatuenak dituzte eta eragin zabala dute.
   • Nazioko metropoliak: Madril eta Bartzelona inguruak. Eginkizun dibertsifikatuak eta eragin-esparru handia dute, nazioarteko beste metropoli batzuekin harreman estuak izanik.
   • Eskualde-metropoliak: Valentzia, Sevilla, Bilbo, Malaga eta Zaragoza inguruak. Metropoli ertainak dira, eginkizun dibertsifikatu eta espezializatuak dituzte, eskualdean eragina dute eta nazioko beste inguru batzuekin lotura estuak dituzte.
   • Bigarren mailako metropoliak: Valladolid, Iruña eta Palma. Eginkizun dibertsifikatu eta espezializatuak dituzte.
2. Hiri ertainak: Probintzietako hiriburuak; ez daude oso dibertsifikatuta eta probintzia-esparruan garatzen dituzte zerbitzuak.
3. Hiri txikiak: Eginkizun gutxi eta espezializatu gabeak dituzte. Eskualdeko eragina dute.

Hirien arteko harremanak hiri sisteman

Espainian, hirien arteko harremanek ezaugarri hauek dituzte:

• Madril: Lotura handiak ditu metropoliekin, Bartzelonarekin batez ere.
• Bartzelona: Orokorrean ahulagoa da, baina ekialdearekin eta Balearrekin loturak ditu.
• Ipar-ekialdeko koadrantea: Integrazio handiena du, eta metropoliek harreman estuak dituzte.
• Gainerakoak: Hirien arteko harremanak txikiak eta osatugabeak dira.

Espainiako Hiri Sistema

1. Madril: Hiri-nukleo nagusia. Hirugarren sektorea da nagusi eta Espainiako beste hiriekin harreman estuak ditu.
2. Periferiako hiri-ardatzak:
   • Galizia: Ferrol eta Vigo artean eta barrualdean hedatzen da. Merkataritza espezializatua du.
   • Bizkaiko golkoa eta Asturiasko triangelua: Santander eta euskal hiriburuak hartzen ditu, eta barrualdean ardatzak ditu (Burgos, Logroño…).
   • Mediterraneoa: Gironatik Cartagenara. Industria dibertsifikatua da eta turismoak pisu handia du.
   • Ebroren harana: Bizkaiko golkoa eta Mediterraneoa lotzen ditu. Hiri nagusia Zaragoza da.
   • Andaluzia: Kostaldeko ardatza (Almeria-Huelva), non turismoa eta merkataritza diren nagusi, eta Guadalquivirren harana, Atlantikoa eta Jaén hiriaren artean.
3. Iberiar penintsularen barrualdea: Merkataritzan eta elikagaietan espezializatutako hiriak.

Balearrak eta Kanariak

Hiriburuak dira aipagarrienak eta turismoa hirigintza-faktore garrantzitsua da.