Etxeko Instalazio Elektrikoak: Osagaiak eta Funtzionamendua

Etxe Barneko Instalazio Elektrikoak

Etxe barneko instalazio elektrikoetan, hainbat atal bereizten dira:

1. Babes- eta Aginte-Koadroa

2. Elikadura Zirkuitoa

3. Lurrera Lotzeko Zirkuitoa (Lur-Hartunea)

4. Hargailu Elektrikoak

2) Elikadura Zirkuitoa:

Argindarra etxe guztian banatzeko eroaleak dira. Kontrolerako gailuak (etengailuak, kommutagailuak, etab.) eta lotura-gailuak (entxufeak, erregeletak, etab.) konektatzeko erabiltzen dira.

3) Lurrera Lotzeko Zirkuitoa (Lur-Hartunea):

Etxetresna elektrikoen xasisak edo ontzi metalikoak lotune horretara konektatzen dira. Bere zeregina erabiltzaileak korronte-deskargetatik babestea da.

4) Hargailu Elektrikoak:

Instalazio elektrikoaren bidez iristen zaien energiarekin abian jartzen diren gailuak dira. Adibidez: garbigailua, telebista, irratia, ordenagailua, etab.

1) Babes- eta Aginte-Koadroa:

Koadro honetako elementuek zirkuitua babestu eta seguru mantentzeaz gain, instalazioan eragiteko eta kontrolatzeko aukera ematen dute. Gehienetan, etxeko sarreran jartzen da, kaxa batean, eta elementu hauek izaten ditu:

Potentzia Kontrolatzeko Etengailua (ICPM):

Etengailu magnetotermiko orokorra da. Erabiltzaileak kontratatu duen potentzia mugatzea eta etxeko zirkuitua gainkargetatik babestea da bere egitekoa.

Etengailu Automatiko Orokorra (IGA):

Gainkargen edo zirkuitulaburren ondorioz hari eroaleak berotu eta erre ez daitezen jartzen dira, babesteko.

Etengailu Diferentziala (ID):

Korronte desbideraketak antzematen dituen etengailua da. Deskarga elektrikoetatik babesten gaitu.

Etengailu Automatiko Txikia (PIA):

Gainkargaren bat edo zirkuitulaburren bat gertatzen denean, etengailu magnetikoak saltatu egiten du eta zirkuitua ireki egiten da.

5) Deribazio eta Mekanismo Kaxak:

Adarkadura-loturak egiteko erabiltzen diren kaxa itxiak dira deribazio-kaxak. Etxeko geletako hormetan sartuta jartzen dira. Linea elektrikoaren adarkatzea eta mantentze-lana errazten dute.

6) Etxeko Elektrifikazio Mailak:

Tentsio baxuaren araudiak (REBT), erabilpen mailaren arabera, bi gradu hauek bereizten ditu:

Oinarrizko Elektrifikazioa:

Etxeko oinarrizko beharrak bermatu behar ditu. Gutxieneko potentzia 230 Volt-ekoa eta 5.750 Wattekoa izatea aurreikusten da.

Goi Mailako Elektrifikazioa:

Oinarrizko beharrez gain, etxebizitzak aire girotua edo berogailu-sistema dituenean, edo 160 m2-tik gorako azalera erabilgarria duenean ezartzen da. Kasu horretan, gutxieneko potentzia 9.200 W-koa izatea aurreikusten da.

Potentzia:

P=Et                 E=P·t