Euskarazko Atletismoa: Abiadura eta Entrenamendu Sistemak

Abiadura: Definizioa eta Motak

Abiadura: Ekintza motoreak ahalik eta denbora laburrenean burutu ahal izateko izakiak duen ahalmena da.

Abiadura Motak

• Erreakzio Abiadura: Estimulu bati erantzun bat ahalik eta denbora laburrenean emateko gaitasuna da.
• Uzkurdura-Abiadura: Gihar-zuntzak ahalik eta denbora gutxienean uzkurtzeko eta erlaxatzeko duen gaitasuna da.
• Mugimendu Abiadura: Ahalik eta denbora gutxienean mugimendu edota orokorra burutzeko gaitasuna da, faktore biomekanikoaren arabera.
• Lekualdatzearen Abiadura: Distantzia labur bat ahalik eta denbora gutxienean zeharkatzeko gaitasuna da. Honako faktore hauen araberakoa da:
  • Zangakadaren zabalera
  • Mugimendu maiztasuna
  • Abiadurekiko erresistentzia
  • Lasaitze eta koordinazio neuromuskularra

Abiadura Entrenamendurako Sistemak

1. Jauziak

Indar erreaktibo-elastikoa hobetzeko:

• Horizontalak: Hanka batekin, birekin, hirukoitza, goranzkoak...
• Bertikalak: Hesi, eskailera, harmailetan...

2. Aldapak

Indar lehergarri eta elastikoa garatzen dugu:

• Abiadura Handikoa: Adibidez, 60-150 metrokoak.
• Gorenekoak: Adibidez, 20-40 metrokoak.

3. Arraste, Gerriko eta Orkatilakoak

Indar lehergarri eta elastikoaren hobekuntza du helburu. Batez ere teknikan eragin negatiborik izan ez dezan, pisu gutxiko aparailuak erabiliko ditugu.

4. Abiadura Lagundua

Zangakadaren maiztasuna bizkortzeko bidea da:

• Aldapan behera (adibidez, %3 maldarekin).
• Soken laguntzaz, etab.

5. Lasterketak

Intentsitate gorenean burutu behar dira. Hanka geldian irteera hartuta landu daitezke, posizio ezberdinetatik abiatuz (belauniko, etzanda...), norabide aldaketak, progresiboak, etab.

Kontuan Hartzekoak

• Entrenamenduaren bidez gutxien hobetzen den kualitatea da. Dena den, faktore batzuk hobetuz lekualdatze-abiaduran emaitza hobeak lor daitezke.
• Abiadura lantzean, beroketa egokia egitea oso garrantzitsua da, intentsitate handiak (%85-100) erabiltzen direlako.
• Serietan errepikapen kopurua ez da oso handia izan behar eta errekuperazio osoa egin behar da.

Abiadura Maila Ezagutzeko Testak

Proba motak

• Geldi egotetik distantzia ezberdinak korrituz: 20, 50, 100 metro.
• Irteera puntura korrika etorri eta 30 eta 40 metroko lasterketa.
• Beste proba motak, non abiaduraz aparte bizkortasuna ere neurtzen den (Adibidez: 6x9 metroko proba).