Ferramentas da Biotecnoloxía e Enxeñaría Xenética

E por último, hai que ter en conta que no citoplasma existen proteínas e outras moléculas que tamén inflúen na síntese proteica.

Ferramentas da biotecnoloxía

As ferramentas para manipular o ADN son:

• Cortar: os encimas de restrición, tesoiras moleculares que cortan o ADN en secuencias específicas.
• Pegar: o ADN ligasa, une fragmentos de ADN cortados por encimas.
• Copiar: os plásmidos, moléculas circulares de ADN coa capacidade de autorreplicarse que se usan como vehículos ou vectores en enxeñaría xenética.
• Transformación: introducir plásmidos na bacteria.

Con todas estas ferramentas, Herb Boyer e Stanley Cohen, en 1972, fixeron o primeiro experimento de enxeñaría xenética ao introducir información xenética humana no interior dunha bacteria para que fabricase proteínas humanas.

Biotecnoloxía: fabricación e proteínas

Ao aplicar a enxeñaría xenética á obtención de produtos comerciais, naceu unha nova industria: a Biotecnoloxía. A partir de entón, o ADN comezou a interesar tamén a industrias importantes.

O primeiro produto comercializado foi a insulina humana, producida no interior dunha bacteria. Esta permitiu prescindir da de porco ou vaca; ao non ser idéntica á humana, podía producir problemas.

Outros medicamentos (proteínas recombinantes), chamados así porque son creadas pola recombinación con ADN san, son:

• Interferón humano: para tratar a esclerose múltiple.
• Hormona de crecemento: para o ananismo hipofisiario. Antes era extraída de cerebros de cadáveres.
• Vacinas: baseadas en proteínas recombinantes, como a da hepatite B.

A reacción en cadea da polimerase (PCR)

É unha técnica que tivo un papel esencial no desenvolvemento da xenética. Foi inventada por Kary B. Mullis (1986).

Permite amplificar rapidamente mostras de ADN, é dicir, obter unha gran cantidade de ADN a partir de pequenas mostras, tales como unha secuencia.

Para que a PCR entre en acción hai que separar as dúas cadeas de ADN, quentando a mostra a 95 ºC; únense os cebadores, un con cada cadea, para o que se reduce a temperatura a 55 ºC, e entra en acción a Taq polimerase, que sintetiza o ADN a partir da mostra (a unha temperatura de 72 ºC).