O FOGASA: Fondo de Garantía Salarial e a súa responsabilidade

O Fondo de Garantía Salarial (art.33 ET) é un peculiar ente asegurador que se nutre de determinadas cuotas e, en contrapartida, cubre determinados riscos; concretamente, os riscos de que o traballador non perciba, por carencia patrimonial do empresario, os salarios e determinadas indemnizacións a que sexa acreedor.

Ten carácter interempresarial, é dicir, intégrase basicamente mediante as aportacións que, en réxime de autofinanciación, efectúan os empresarios con traballadores asalariados ao seu servizo, sen máis exclusión que a de empregados do fogar.

Posee personalidade xurídica e capacidade de obrar, adscribíndose ao Ministerio de Emprego e Seguridade Social a través da Secretaría Xeral de Emprego.

Responsabilidade subsidiaria

No que respecta á responsabilidade subsidiaria (non responde o obrigado principal): o fondo en sentido propio imputase á atención de determinados estados de necesidade xerados polo incumprimento do obrigado directo, o empresario.

En tales casos, a acción protectora do Fondo é a seguinte (art.33 ET): primeiro, abono aos traballadores dos salarios pendentes de pago por causa de insolvencia ou concurso; segundo, abono das indemnizacións recoñecidas en sentenza, auto ou conciliación xudicial en casos de despedimento disciplinario, colectivo e por causas obxectivas, a cantidade máxima de tal abono será dunha anualidade como límite máximo; e terceiro, a misión do FOGASA é a de substituír, como responsable legal subsidiario, aos empresarios obrigados ao pago de salarios e indemnizacións no cumprimento destas obrigacións.

Responsabilidade directa

En canto á responsabilidade directa, o Fondo responde do pago das indemnizacións por extinción de contrato de traballo derivada de forza maior cando a correspondente autorización administrativa acorde expresamente a exoneración do empresario. O importe destas indemnizacións cifrase en 20 días de salario por ano de servizo, co límite dunha anualidade.

Tramitación de peticiones ao Fondo

O procedemento administrativo de planteamento e resolución das peticións de prestacións ao Fondo segue o seguinte trámite: primeiro, o procedemento iníciase xa sexa de oficio ou a instancia dos interesados, o prazo de solicitude das prestacións ao Fondo é dun ano a partir do acto de conciliación, sentenza, auto, etc; segundo, a solicitude debe ir acompañada en todo caso do DNI de cada traballador afectado e da súa situación en canto á SS; terceiro, as unidades administrativas periféricas do Fondo deben emprender seguidamente os actos de instrución do procedemento, así como a realidade dos débedos e, no seu caso, situacións de insolvencia ou concurso; cuarto, transcorrida a fase de instrución do expediente, as unidades periféricas remiten o actuado á Secretaría Xeral do Fondo; e quinto e último, as resolucións do Fondo, serán impugnables ante a Orde Social da Xurisdición.