Frustrazioa, Gatazkak eta Defentsa Mekanismoak: Gida Psikologikoa

Frustrazioa, Gatazkak eta Defentsa Mekanismoak

Frustrazioa:

Frustrazioa emozio-esperientzia desatsegina da, tristura, etsipena eta amorrua eragiten ditu. Oztopo fisikoak, urritasun fisiko edo psikologikoak, indargarria atzeratzea, indargarria azkentzea eta gatazkak izan daitezke frustrazioaren zergatiak.

Gatazkak (Kurt Lewin):

• Erakarpen-erakarpen gatazka: Bateraezinak diren bi helburu.
• Saiheste-saiheste gatazka: Ezesgarriak diren bi alternatiba.
• Erakarpen-saiheste gatazka: Alderdi positiboak eta negatiboak dituen helburua.
• Erakarpen-saiheste gatazka bikoitza: Balentzia positiboa eta negatiboa duten bi helbururen aurrean egotea.

Ni-aren Defentsa Mekanismoak:

1. Isolamendu afektiboa: Gatazka saihesten da ideiak afektuetatik bereiziz.
2. Konpentsazioa: Ahulezia bati aurre egiten zaio beste zerbaitetan nabarmenduz.
3. Desplazamendua: Etsai-sentimenduak emozio horiek sorrarazi ez zituzten pertsona edo objektuekin deskargatzea.
4. Identifikazioa: Maite edo miresten den pertsona baten irudia eta jokabidea barneratzea.
5. Fantasia: Irudimenaren bidez erdiestea errealitatean lortu ezin duguna.
6. Erreakziozko eraketa: Benetakoen aurkakoak diren sentimenduak erakustea.
7. Ukapena: Desatseginak diren errealitateak ukatu egiten dira.
8. Proiekzioa: Gure akatsak edo pentsamenduak beste batzuei leporatzea.
9. Arrazionalizazioa: Onartezinak liratekeen asmoei logikoki edo etikoki onargarriak diren azalpenak ematea.
10. Erregresioa: Antsietate edo estres egoera baten aurrean garapenaren aurreko fase batera itzuli egiten da.
11. Errepresioa: Arriskutsuak edo mingarriak diren pentsamendu edo sentimenduak blokeatzea.
12. Sublimazioa: Bulkada bat onartezina den objektutik onargarria den beste batera aldatzea.

Herri Psikologia:

Gertaera bat behatzen dugu, gero esanahi bat eransten diogu eta garun-kortexean emozio esperientzia bat ematen da, gure gorputzean erantzun erreflexuak eraginez.

Teoria Emozionalak:

• W. James-Lange: Lehenengo aldaketa fisiologikoak gertatzen dira, gero horien seinaleak gure kortexera iritsi eta orduan ematen da emozioa.
• W. Cannon-P. Bard: Emozioak aktibazio fisiologiko batean datza. Aktibazio fisiologikoa eta emozio-espresioa aldiberekoak dira. Gizabanakoak ez dira beti gai barne aldaketak hautemateko eta hala ere, emozio-esperientziak dituzte.
• S. Schachter-en teoria kognitiboa: Emozio egoera 2 faktoreren menpe dago: aktibazio fisiologikoa eta egoeraz egiten den interpretazio kognitiboa. Bizitako aldaketak interpretatzeko gai ez izan arte ez duzu sentituko benetako emozio bat.