Geografia eta Ekonomiako Oinarrizko Kontzeptuak

Nekazaritza intentsiboa

Laboreen ekoizpen guztiz kontrolatua da, ahalik eta uzta handiena lortzeko.

Nekazaritza estentsiboa

Tokiko baliabide naturalak erabiliz, teknologia handirik gabe (mekanizazioa salbu) eta lan indar gutxirekin antolatutako nekazaritza sistema da.

Abeltzaintza intentsiboa

Abere kopuru handiak ikuilu, etxalde eta eremu itxietan hazten dituen abeltzaintza mota, pentsua, kontrola eta haien hazkuntza eta ugalketa azkartuz, ekoizpena maximotzeko.

Abeltzaintza estentsiboa

Urtearen zati handi batean abereak kanpoko eremu zabaletan, bazkaleku gisa, hazten dituen abeltzaintza da.

Nekazaritza ustiapena

Nekazaritza jarduerak burutzen dituen unitate ekonomikoa da, instalakuntza eta lur-eremu jakin batzuetan garatzen dena. EH-n, baserria.

ENA (Erabilitako Nekazaritza Azalera)

Eremu batean laborantzarako erabiltzen diren lurren multzoa eta horien azalera.

NPB (Nekazaritza Politika Bateratua)

Europar Batasunak nekazaritza arloan garatzen duen politika eta neurri ekonomikoen multzoa da, nekazaritza sektorea babestea helburua duena.

Akuikultura

Ur eremu itxietan eta artifizialetan arrainak, moluskuak eta algak hazten dituen giza jarduera industriala da.

Industria

Lehengaiak eta bestelako gaiak eraldatu edo osagaiak muntatu egiten dituen jarduera ekonomikoa da.

Enpresa

Ekoizpen faktoreak konbinatuz produktuak eta zerbitzuak ekoitzi eta horiek kontsumitzaileei eskaintzea du helburu.

Holding

Sektore desberdinetan dauden enpresa askoren akzioen portzentaje handiak eskuratzen dituen enpresa da.

Deskokatze industriala

Lantegien lekualdatzea da, egoera eta irabaziak hobetzeko.

Goi-teknologiako industria

Bere ekoizpen prozesuetan goi mailako teknologia erabiltzen duen industria da.

Tertziarizazioa

Hirugarren sektoreak edo zerbitzuenak beste sektoreen aldean pisu handiagoa hartzen duenean gertatzen da.

Garapen iraunkorra

Etorkizuneko belaunaldien beharrak asetzeko ahalmena eragotzi gabe egungo beharrak asetzen dituen garapena.

Garraio-azpiegiturak

Garraio-sistema batean ibilgailuak ibilarazi eta haietatik ibiltzeko behar diren instalakuntzen multzoa da.

Plataforma logistikoa

Jarduera logistikorako erabiltzen den azpiegitura eta instalazio multzoa da.

Portu lehorra

Lehorrean eta barnealdean, kostaldetik aparte, kokatzen diren instalazio intermodal zabalak dira.

Frankizia

Enpresa batek beste bati bere izena erabiltzeko, bere produktuak saltzeko, etab. ematen dion eskubidea eta horretarako baldintzak zehazten dituen kontratua da.