Giharren Indarra: Definizioa, Faktoreak eta Uzkurdurak

Indarra: Definizioa

Gihar-uzkurduraren bidez, kanpoko erresistentziaren (grabitate, pisu edo kontrako indarraren) aurka jarduteko pertsonok dugun gaitasuna da.

Giharren Indar Maila Baldintzatzen Duten Faktoreak

Faktore morfologikoak

• Giharraren indar maila zuzenean lotuta dago bere masa edo tamainarekin.
• Entrenamenduaren bidez lortzen den hipertrofiarekin (giharren zeharkako sekzioa handitzea), indarraren maila hobetzen da.
• Gihar-zuntzen ezarpen anatomikoak uzkurdura-maila baldintzatuko du:

  	Abiadura	Indarra	Ahalmen aerobikoa
  Zuntz motelak (ST)	Txikia	Txikia	Handia
  Zuntz azkarrak (FT)	Handia	Handia	Txikia

Faktore biomekanikoak

• Giza gorputza palanka-sistematzat hartzen da, bere itxura eta jarduera baldintza mekanikoek mugatzen dituztelako.

Faktore nerbiosoak

Giharra uzkurtu ahal izateko, estimulu motorrek gutxieneko maiztasun eta intentsitatearekin iritsi behar dute gihar-zuntzetara.

Adina eta sexua

• Giharren indarra ia bikoiztu egiten da 11-16 urte bitartean. 19 urte arte, hazkunde hau azkarra izan ohi da. 25-30 urte bitartean, berriz, motelagoa da (orduan lortzen da indar maximoa).
• Gizonek giharrak garatzeko duten gaitasuna emakumezkoen bikoitza da (hormonak direla eta).
• Indarraren gainbehera modu antzekoan gertatzen da gizon eta emakumeengan.

Uzkurdura Motak

Uzkurdura isotonikoa

Mugimendua burutzen den bitartean giharra luzatu edo laburtzen bada.

• Uzkurdura kontzentrikoa: uzkurduraren bitartean giharraren luzera txikitzen bada.
• Uzkurdura eszentrikoa: uzkurduraren zehar giharraren luzera handitzen bada.

Uzkurdura isometrikoa

Giharrak mugitzen ez den pisu edo objektu baten aurka indarra egiten duenean. Giharraren luzeran ez da aldaketarik gertatzen.

Indar Motak

• Indar maximoa: erresistentziarik handiena gainditzeko gaitasuna. Adibidez: pisuak jasotzea.
• Indar leherkorra: ahalik eta denbora laburrenean indarra sortzeko ahalmena.
• Erresistentzia-indarra: giharrak nekeari aurre eginez lan egiteko gaitasuna.