Giltzurrunaren Funtzioak eta Nerbio Sistemaren Osagaiak
Clasificado en Biología
Escrito el en 
vasco con un tamaño de 2,54 KB
Giltzurrunaren Funtzioak: Gernuaren Eraketa
- Iragazketa: Glomerulutik odola Bowmanen kapsulara igarotzen da. Ura, iragazketa produktuak eta beste substantzia batzuk iragazten dira.
- Birxurgapena: Ura, glukosa, aminoazidoak eta gatz mineralak hodixketatik eta Henleren lakioetatik odolera itzultzen dira.
- Jariaketa: Zenbait substantzia gorputz-fluidoetatik nefronaren azken zatira igarotzen dira. Horrela, gernua sortzen da, eta giltzurrun pelbiserantz joaten da. Gernua ureterren bidez irteten da giltzurrun pelbisetik gernu-maskurirantz, eta han pilatzen da. Gernu-maskuriaren paretetan, maskuriaren presioa eta bolumena handitu egiten direla hautematen dute errezeptore batzuek. Betetzean, pixa egiteko beharra sortzen da.
Neuroglia Zelulak
- Astrozitoak: Neuronen nutrizio prozesuan parte hartzen dute. Neurotransmisoreak kentzen dituzte espazio sinaptikotik eta euskarri-zelularen lanak ere egiten dituzte.
- Oligodendrozitoak: Nerbio sistema zentraleko zenbait neuronaren axoien inguruan biltzen dira aldi berean. Mielina zorroa egiten dute, nerbio-bulkada behar bezala transmititzeko ezinbestekoa den estalki isolatzailea.
- Schwann zelulak: Nerbio sistema periferikoko neuronen axoi zati bat biltzen dute. Zelula honetako bakoitzak neurona bakar baten axoi zati bat estaltzen du. Mielina zorroa egiten dute.
Nerbio Sistemaren Osagai Nagusiak
NERBIO SISTEMA ZENTRALA
- Garuna:
- Sistema linbikoa: Sistema endokrinoaren funtzionamendua erregulatzen du. Emozioez, sentimenduez eta oinarrizko instintuez arduratzen da.
- Garun azala: Zentzumen organoetatik datorren informazioa jasotzen du. Sentsazioak jaso eta, horren arabera, borondatezko erantzun motor batzuk ematen ditu. Funtzio intelektualez eta mentalez arduratzen da. Nerbio sistemaren gainerako partearen funtzionamendua erregulatzen du.
- Bizkarrezur erraboila: Bizirik irauteko behar ditugun bizi-funtzio autonomoak erregulatzen ditu.
- Zerebeloa: Gure mugimenduak koordinatzeaz eta orekari eusteaz arduratzen da.
- Garuna:
BIZKARREZUR MUINA
Zentzumen organoetatik datorren informazioa entzefaloari dagokion eremuetara eramaten du, eta entzefaloak emandako erantzunak organo efektoreetara eramaten ditu. Arrisku egoeretan automatikoki ematen diren ez-borondatezko erantzun motorrak igortzen ditu.