GKEak, Basamortutzea eta Garapen Iraunkorraren Azterketa

GKEek tokian bertan, eskualdean, nazioan edo nazioartean egin dezakete lan. Lan horren bidez, nazioarteko gobernuek eta erakundeek asebetetzen ez dituzten beharrak asetzen saiatzen dira. Horretarako, boluntarioen lankidetza izaten dute, eta pertsona partikularren, estatuen, enpresen eta abarren diru-laguntzen bidez finantzatzen dituzte proiektuak. GKEen bidez, herrialde aberatsetan bizi garen guztiok lagun diezaiokegu herrialde ahulen garapenari.

Zer da Basamortutzea?

Basamortutzea lurzoruak produktibitatea eta landare-geruza galtzea da, basamortu bihurtu arte. Prozesu hori munduko leku erdi lehorretan gertatzen da, eta batez ere, giza jardueraren ondorioz. Lehorteak eta klima-aldaketak larriagotu egiten dute prozesu kezkagarri hori. Lurraren gainazalaren %30 basamortu bihurtu da, eta kontinente guztietan gertatu da fenomeno hori.

Berotegi-efektuaren Gasak eta Ondorioak

Berotegi-efektua eragiten duten gasak metanoa, nitrogeno oxidoak eta, nagusiki, karbono dioxidoa dira. Gas horiek Eguzkiaren argia eta beroa espaziotik Lurrera igarotzen uzten dute; baina gero, ez diete hain erraz ihes egiten uzten.

Berotegi-efektuak aldaketa handiak eragin ditzake kliman, eta horren eraginez, poloetako elurra urtu daiteke. Elurra urtuz gero, itsas maila igo egingo litzateke, eta kostaldeko zenbait eremu urak hartuko lituzke.

• Batzuen iritziz garapen iraunkorra lor daiteke; hau da, ekonomiaren hazkundea eta natura-baliabideen zainketa harmoniza daitezke, etorkizuneko belaunaldiek baliabide horiek erabili eta haietaz gozatu ahal izan dezaten. Hori da gobernu askoren iritzia.
• Beste batzuen ustez, berriz, ezinezkoa da ekonomiaren hazkunde handia eta ingurumenaren errespetua bateratzea, eta beharrezkoa iruditzen zaie kontsumoa murriztea. Hori da mugimendu ekologista askok aldezten dutena.