Glosario de Termos Artísticos e Pictóricos
Clasificado en Arte y Humanidades
Escrito el en 
gallego con un tamaño de 2,44 KB
- Liña serpentinata
- Fórmula compositiva caracterizada por marcar o movemento xiratorio das figuras, que se contorsionan nunha ascensión helicoidal. Propia do helenismo e do manierismo.
- Perspectiva lineal
- Técnica consistente en crear aparencia de profundidade mediante liñas (reais ou imaxinarias) que converxen nun punto chamado 'punto de fuga'.
- Retrato
- Debuxo, figura, fotografía, etc., que representa a imaxe, con máis ou menos detalle, dunha persoa ou grupo de persoas.
- Perspectiva aérea
- Técnica mediante a cal se crea a sensación de profundidade nunha pintura esfumando as liñas converxentes, eliminando os límites da liña e da cor, gradando os tons e diminuíndo os detalles a medida que os obxectos se afastan do primeiro plano, tratando de representar a atmosfera, o aire que envolve os obxectos.
- Sfumato
- Técnica de pintura consistente en distribuír as sombras tenues nunha composición pictórica para rebaixar a contorna, suavizando os perfís das figuras, para darlle un aspecto difuminado e integralas de forma máis naturalista na atmosfera da escena.
- Cor complementaria
- Parellas de cores que se atopan nun lugar oposto no círculo cromático. Pode ser unha cor primaria cunha secundaria ou dúas terciarias. Resultan da mestura das cores primarias e secundarias.
- Bodegón
- Xénero pictórico no que se representan seres inanimados, animais mortos, vexetais e obxectos. Desenvolveuse durante o Renacemento nos Países Baixos e no Barroco.
- Columna salomónica
- Tipo de columna co fuste torsionado en forma de espiral. Típica do Barroco.
- Cadro de Historia
- Xénero pictórico que ten a súa inspiración en escenas relativas á mitoloxía, historia (antiga, cristiá...) ou acontecementos recentes, nas que se narra un acontecemento concreto.
- Cadro de xénero
- Pintura que retrata unha estampa da vida cotiá. Xorde como xénero pictórico no Barroco.
- Natureza morta
- Xénero pictórico no que se representan seres inanimados, animais mortos, vexetais e obxectos. Desenvolveuse durante o Renacemento nos Países Baixos e no Barroco.