Higienea eta Ohiturak Haur Eskolan: Gida eta Faseak

Higiene motak eta haurraren garapena

Higienea bi kategoriatan sailka daiteke: Higiene pertsonaltzat hartzen da organismoaren funtzioen osotasuna mantentzeko eta osasuna hobetzeko neurrien multzoa. Kultura bakoitzeko ohituren parte da eta zenbait alderdi ditu, hala nola gorputz-garbitasuna eta txukuntze pertsonala.

Bi jarduera horiek zuzenean erlazionatzen dira nork bere burua zaintzen ikastearekin, eta eragina dute haurraren autokontzeptua osatzerakoan, bai norberaren osasunarekin eta ongizatearekin zerikusia duten alderdietan, bai alderdi sozialean.

Higiene-ohiturak hartzeko faseak

Haurren higiene-beharrak helduek konpondu behar dituzte lehenengo urteetan. Prozesu honek hiru fase nagusi ditu:

• Fase pasiboa: Helduak egiten du higiene-jarduera.
• Lankidetza-fasea: Haurra bere burua garbitzen parte hartzen hasten da.
• Fase aktiboa: Bere burua garbitzeko maniobretan independentzia lortuz joango da.

Ingurumen-higienea haur-eskolan

Higienea, osasun-elementu gisa, ez da pertsonaren arretara eta zainketara mugatzen. Ingurumen-higienea funtsezkoa da: gizakia da ingurua aldatzeko gai den espezie bakarra. Oraingo ingurumen-arazoek ingurumen-hezkuntza garrantzitsua dela pentsarazi beharko ligukete, sentsibilitate hori sortzeko elementu den heinean.

Baldintza higienikoak ikastetxean

Ikastetxeko garbiketak eremu guztiak hartu behar dituela eduki behar dugu beti gogoan. Ingurumen-baldintza onenak bermatu behar dira:

• Gela, altzariak, komunak, jostailuak eta materialak.
• Tenperatura egokia.
• Eremu aireztatuak eta argiztatuak.

Jardueren antolaketa haur-eskolan

Txikienek beren jarduerari esker ikasten dutenez, logikoa da haur-eskolak modu berezian zaindu behar izatea neska-mutilak. Han egiten dituzten jarduerak prestatzen, errazten eta hobetzen arreta handia jartzen da.

Ordu-banaketari dagokionez, 0-3 urteko haurrengan atsedena-elikatzea-jolastea-higienea segida errepikatzen da egunean zehar. Denbora horretatik erdia baino gehiago atsedenerako, elikatzeko eta higienerako izaten da, eguneroko jarduerak baitira. Gainerako orduak jolas-jardueratarako eta beste jarduera espezifiko batzuetarako izaten dira.

Guztiak dira hezkuntza-jarduerak; beraz, hezitzaileak prestatu egin behar ditu eta espazioak, materialak eta ordutegiak antolatu behar ditu. Norbanakoaren erreakzioei eta talde-dinamikari etengabeko arreta eskaini behar zaie, eta gauzak aldatzeko malgutasuna eduki behar da.