Infekzio Nosokomialak: Arriskuak eta Prebentzioa

Infekzio Nosokomial Ohikoenak

Ospitaleetan ohikoenak diren infekzioak, horien arrisku faktoreak eta prebentzio neurriak:

Gernu Infekzioak

Arrisku Faktoreak

• Maskuri-zundaren ezarpena izaten da, batez ere drainatzea irekia denean.

Prebentzio Neurriak

• Medikuak agindutako kasuetan baino ez da maskuri-zundaketa egingo.
• Behin betiko maskuri-zunda duten pertsonekin drainatze itxia erabiliko da.
• Langileek eskuak zorrotz garbituko dituzte zunda ezarri aurretik eta ondoren.
• Gernua bilduko duen poltsa sarritan eta modu erregularrean hustuko da.
• Butxatzen diren zundak ordezkatu egingo dira.
• Zunda eta poltsara doan hodiak ez dira sekula ukondotuta egon beharko.

Ebakuntzen Ondorengo Infekzioak

Arrisku Faktoreak

• Sabeleko ebakuntzak; hesteetakoak.
• Ebakuntzaren iraupena.
• Gaixoak lehenagotik bestelako infekzioren bat izatea.

Prebentzio Neurriak

• Ebakuntza-gelako langileen esku garbiketa kirurgiko zorrotza.
• Ebakuntza-gelako arropa esterila erabili: eskularruak, mantala, musukoa, txanoa, galtzak, etab.
• Tresna kirurgiko esterilak erabili.
• Ebakuntza bukatu ondoren, egindako zauria babestu.
• Ebakuntza egin aurretik gunearen prestaketa zorrotza egin: zonaldearen garbiketa antiseptikoa, ile mozketak...
• Profilaxi antibiotiko egokia egin (beharrezko kasuetan).
• Area kirurgikoa zona garbi eta zikinetan banatuta egon beharko da, eta zirkulazio zirkuituak ongi adierazita, bai pazienteentzat, bai langileentzat, material eta aparatuentzat, etab.

Arnas Bideetako Infekzioak

Arrisku Faktoreak

• Bronkoskopia.
• Trakeotomia.
• Tutu endotrakealak.
• Aireztapen mekanikoa.

Prebentzio Neurriak

• Langileen esku garbiketa zorrotza gaixoa artatu aurretik eta ondoren.
• Erabilitako tresna guztien garbiketa, desinfekzio eta esterilizazioa: kanulak, etab.
• Zundak eta bronkoskopioak ezartzerakoan gaixoari lesiorik ez eragiteko, teknikak zuzen eta arretaz egin.

Infekzio Orokorrak

Arrisku Faktoreak

• Nagusienak ospitaleko infekzioak eta zain edo muskulu barneko prozedurak izan ohi dira.

Prebentzio Neurriak

• Infekzio nosokomialak azkar eta egoki diagnostikatu eta tratatzea.
• Kanula, kateter eta bestelako zain barneko tresna edo materialak ongi manipulatzea, protokoloak zorrotz betez.