Komunikazioa eta Adimen Emozionala Hobetzeko Gida

Escrito el 30 de Abril de 2025 en vasco con un tamaño de 8,14 KB

Sarrera: Trebetasun Sozialen Garrantzia

Hizketan ari garenean, jatoritasuna, interesa eta enpatia erakutsi behar ditugu.

Agurtzen eta gure burua jator aurkezten
Hitz egitean, begietara begiratzen
Hirugarren pertsonei goraipamenak egiten, pertsona horretaz sentitzen edo ezagutzen ditugun alderdi onak nabarmenduz
Biok bizi dugun egoera komun horretaz iruzkinak edo galderak egiten
Ezagutzen dugunaz iruzkinak edo galderak egiten

Mezua nola esaten den da. Hitz berberak era guztiz desberdinean esan daitezke, emozio edo esanahi desberdinak adieraziz.

Osagai garrantzitsuenak: bolumena, abiadura, tonua, isiluneak, barre egitea, negar egitea...

Ahotsaren bolumena aldatzea entzulearen arreta erakartzeko. Ez hitz egin oso ozen, ezta oso baxu ere.
Tonu egokiak erabiltzea entzuleen interesa erakartzeko.
Hitz-jarioa: isiluneak, betegarriak ('eee', 'aaa'), errepikapenak kontrolatzea.
Argitasuna: Mezua trabarik gabe eta argi adierazten saiatzea.
Abiadura eta erritmoa: Muturrak saihestea: ez oso mantso hitz egin, ezta oso azkar ere.
Etenaldiak: Hitzaldiaren aurretik, ideia garrantzitsuen ondoren eta amaitu aurretik etenaldi estrategikoak egitea.

Gorputzaren mugimendua da. Emozioak hobeto ezagutzen laguntzen du (haserrea, poza, gezurra esaten ari ote den, etab.). Elementu nagusiak:

Espazioaren erabilerak eragina du harremanean: pertsona guztiek dituzte beren espazio-beharrak.

Lehenengo inpresioan eragiten du. Alderdi batzuk:

Erakargarritasun fisikoa: Aurpegia, begiak eta abar harreman soziala baldintzatzen duten ezaugarriak dira.
Gorputzaren zaintza eta higienea: Garbitasuna funtsezkoa da; usain txarrak, ile zikinak eta abarrek irudi negatiboa ematen dute.
Jantziak eta osagarriak: Aukeratzeko moduak, pertsona bakoitzaren estilo eta nahien araberakoa izateaz gain, norberaren nortasunarekin eta testuinguruarekin bat etorri behar du.

Enpatia: Bestearen lekuan jartzea. Besteak ikusten duen moduan ikustea. Horrek ez du esan nahi bestearekin ados egon behar dugunik. Horrela, sentimenduak, arazoak eta ikuspuntuak hobeto ulertzen ditugu.
Denboraren zentzua: Hitz egiteko denborak kontrolatu eta parte-hartzea erregulatu; noiz hitz egin eta noiz isilik egon jakin.
Parafraseatzea: Hizlariak esandakoa gure hitzekin errepikatzea, ondo ulertu dugula egiaztatzeko.
Baieztatzea edo argitzea: Solaskidea azaltzen ari denari buruz galderak egitean datza, informazioa baieztatzeko edo argitzeko.

Autoestimua: Norbera besteak bezain garrantzitsua dela sinestea, eta norberaren beharrak alde batera ez uztea.
Ez haserretu, gizalegez jokatu: Haserreak itxura txarra ematen du. Haserretu aurretik, hobe da entzutea, hausnartzea eta besteen ikuspuntuak kontuan hartzea.
Barkamen-eskeak behar direnerako gorde: Batzuek etengabe eskatzen dute barkamena, segurtasun faltagatik agian. Ez da egin behar, benetan beharrezkoa ez bada.
Besteak ez gutxietsi: Ez da inor zapaldu behar, lankidetza eta elkar ulertzea bilatu behar dira.
Ez da inoiz mehatxuetara iritsi behar: Sinesgarritasuna galtzea eta lankidetza oztopatzea dakarte.
Kritikak eta porrota onartu: Horrek ez du errespetagarritasunik kentzen, alderantziz baizik.

Sentimenduak eta nahiak izatea eta adieraztea.
Benetan entzuna eta onartua izatea.
EZETZ esatea, errudun sentitu gabe.
Informazioa eskatzeko eta informatua izateko eskubidea.
Norberaren beharrak aintzat hartzea, lehentasunak ezartzea eta norberak bere erabakiak hartzea.
Nahi dena eskatzea, jakinda besteak ere EZETZ esateko eskubidea duela.

Norberaren eta besteen emozioak ulertzeko eta arazoak bideratzeko gaitasuna da. Adimen emozionalaren osagai garrantzitsuenak garatu behar dira:

Autoezagutza: Emozioak eta besteengan sortzen dituzten ondorioak ezagutzea; norberaren gogo-aldarteak jarreran eragina duela jakitea. Norberaren gaitasunak eta ahulguneak ezagutzea ere eskatzen du.
Autokontrola: Uneko sentimenduen mende ez jarduten laguntzen du. Emozioa iragankorra dela konturatzean datza. Uneko emozioen eraginez jokatzeak akatsak eta gaizki-ulertuak sor ditzake.
Automotibazioa: Emozioak helburu jakin baterantz zuzentzeak motibazioa mantentzen laguntzen du, eta oztopoetan arreta jarri beharrean, helburuen alde positiboetan jartzen du.
Besteen emozioen onarpena: Giza harremanak bat-bateko erreakzioetan oinarritzen dira, ahozkoetan zein ez-ahozkoetan. Emozioak onartzeak eta enpatia sentitzeak harreman sozial errealagoak izaten laguntzen dute.
Pertsonen arteko harremanak: Besteekin harreman egokiak izateak izugarrizko garrantzia du pertsonen bizitzako alor guztietan: familian, lagunartean, eskolan, lanean...

Autoestima garatzea komenigarria da.

Gertatzen zaizkigun gauza positiboetan arreta jarri. Alderdi negatiboek antsietatea eta tristura besterik ez digute eragiten. Barne-hizkera baikorra praktikatu behar dugu eta pentsamendu positiboak sustatu.
Daukaguna estimatzen ikasi, ez falta zaiguna.
Errudun sentitu beharrean, gure ahulguneak identifikatu eta zuzentzen ahalegindu.
Animatzen gaituzten pertsonez inguratu. Ez dugu onartu behar gaizki sentiarazten gaituzten pertsonen eraginik. Horrelako pertsonengandik urruntzea da onena.
Gure indarguneak zein diren ikasi, horiek indartzeko.
Gure ahalmenetan sinetsi behar dugu, eta geure buruari jartzen dizkiogun mugei aurre egin.
Helburu propioak ezarri. Horiek lortzen ahalegindu behar dugu, inorekin konparatu gabe, gure erritmoan, besteen iritzien menpe egon gabe.

Etiquetas: