Laborategiko Larrialdiak eta Oinarrizko Tresneria

Larrialdi Kasuetan Egin Beharrekoak

Atmosfera Kutsatua

Zergatik gertatzen da?

• Gasen ihesengatik.
• Substantzia lurrunkorren isurtzeagatik.

Zer egin?

• Gas botilatik badator, itxi botila.
• Leihoak ireki eta gas erauzketa sistemak martxan jarri (atmosfera erregarria bada, ez ireki).
• Laborategia hustu.

Substantzia Kimiko edo Biologikoen Isuriak

Zer egin?

• Isuritakoa jaso, gailu egokiekin.
• Isuritakoa sukoia, erregaia, toxikoa edo arrisku biologikokoa bada, laborategia hustu eta garbiketa segurtasun neurri egokiekin egingo da.

Sutea

• Sua txikia bada, itzalgailu batekin itzali.
• Sua handiagoa bada:
  • Suhiltzaileei deitu.
  • Arriskua badago, hustu eta leihoak eta ateak itxi, oxigenoa ez sartzeko.
  • Kea asko badago, lurretik arrastaka atera, ahoa eta sudurra trapu heze batekin estaliz.
  • Trapu lehorrak jarri ateen azpian, kea ez ateratzeko.

Pertsonentzako Larrialdiak

BAS Protokoloa (Babestu, Abisatu, Sorostu)

BABESTU

• Lehenik, segurtasun zonalde bat sortu behar da kaltetutakoaren eta soroslearen inguruan.
• Bigarrenik, istripu gehiago gerta daitezkeen edo ez baloratu.
• Arriskutsuak diren gailuak itzali (bero iturriak itzali, leihoak ireki...).

ABISATU

Sorospen unitateei deitu. Medikuei edo laborategiko zuzendariari. Deitzean argi azaldu behar da gertatutakoa (odola dauka, pultsoa dauka, kontziente dago...).

SOROSTU

Biktima sorostu. Medikuen edo espezialisten laguntza behar bada, haiek iritsi arte lagundu eta sorostu. Ezin da inoiz biktima bat bakarrik utzi.

Begietara Zipriztintzea

Begiak garbitu, begiak garbitzekoarekin (lavaojos), 15 minutu inguru.

Azalean Zipriztintzea

Produktu kimiko bat izan bada, zonaldea urarekin garbitu 15-20 minutuz.

Irentsita Intoxikatzea

EZ behartu botaka egitera, ezta ura edatera ere. Lehenik, Toxikologiako Institutu Nazionalera deitu. Haiek esango dute zein pauso jarraitu, substantzia motaren arabera pauso batzuk edo beste eman behar direlako.

Arnastearen Bidez Intoxikatzea

• Aire garbia eta leihoak ireki.
• Kontuz, lehenik jakin zein izan den intoxikazioaren arrazoia.

Erredurak

• Ur hotzarekin garbitu 15 minutuz.
• Arropa itsatsita geratu bazaio, EZ kendu. Ez eman produkturik erretako pertsonari, ezta jateko edo edateko ezer ere.

Zauriak eta Ziztadak (Pintxatzeak)

Eskularruak kendu eta zauria ur askorekin garbitu.

Elektrokutatzea

Aparatu batekin izan bada, aparatu horren korrontea kendu. Pertsona "itsatsita" geratu bada, ez ukitu pertsona. Lehenik kendu elektrizitatea aparatuari.

Laborategiko Oinarrizko Tresneria

Saiodia (Saiakuntza-hodia)

Likido lagin txikiak erabiltzeko edo probak egiteko ontzia. Berotu daiteke, graduatua ez badago.

Espatula

Solido kopuru txikiak hartzea ahalbidetzen du, hatzekin ukitu gabe.

Tentengailua edo Gradila

Metalezko egitura, saiodiak zutik mantentzeko erabiltzen dena.

Prezipitatu Ontzia (Beaker)

Solidoak edo likidoak gordetzeko ontzia. Bertan nahasketak eta erreakzio kimikoak egin daitezke. Bolumenak gutxi gorabehera neurtzen ditu. Berotu daiteke.

Tanta-kontagailua

Likido kantitate txikiak hartzeko erabiltzen da eta tantaz tanta jaurtitzea ahalbidetzen du.

Porta eta Estalkia

Biak beirazkoak dira. Portaren gainean mikroskopiotik behatu behar den lagina jartzen da. Estalkia prestakina estaltzeko erabiltzen da.

Bunsen Erregailua

Gasezko sugarra ematen duen aparatua. Erreketan erabiltzen den oxigeno kantitatea erregulatzea ahalbidetzen du.

Petri Plaka

Itxura zirkularreko ontzia, orokorrean beirazkoa edo plastikozkoa. Onddoak eta bakterioak landatzeko erabiltzen dira.

Eskuila (Garbitzeko Eskuila)

Instrumentu hauskorrak edo sarbide zailekoak garbitzeko erabiltzen da.

Ebakitzeko Ontzia

Ebaketa egiteko pieza jartzen den plastikozko ontzia.

Ebaketarako Estutxea

Ebaketarako beharrezkoak diren tresnak aurkitzen dira: guraizeak, bisturia, lantzeta, pintzak eta puntzoia.

Lupa

Behatutakoa 40 aldiz handitzen duen tresna optikoa.

Mikroskopioa

Hainbat objektibo eta okularea dituen tresna. Horiek konbinatuz gehienez 2000 aldiko handipena lor daiteke. Behatzen den laginak gardena izan behar du.