Lan Munduko Oinarrizko Kontzeptuak

Soldata

Langile batek egindako lanaren truke enpresarengandik jasotzen duen ordainsaria da. Dirutan ordaintzen da normalean, baina bestelako ordainsari osagarriak ere egon daitezke (enpresako jangelarako bonoak, erabilera pertsonalerako enpresako autoa, mugikorra, ordenagailua, osasun asegurua, etab.).

Nomina

Langile batek hilabetean zehar egindako lanaren truke jasotzen duen soldata eta honek dituen xehetasun guztiak jasotzen dituen dokumentua da.

Lan-hitzarmen

Enpresek eta langileen ordezkariek (batzuetan sindikatuek) negoziatzen duten akordioa da, eta bertan lan-baldintza orokorrak zehazten dira: soldata, lanorduak, oporrak, baimenak, ordainsari osagarriak, eta abar.

Sindikatu

Langileen elkarte bat, langileen eskubideak defendatzeko eta lan-baldintza hobeak lortzeko sortua.

Lan-kontratu

Enpresariaren eta langilearen arteko akordioa da, non langileak lana egitea onartzen duen, eta enpresariak, trukean, soldata eta baldintza jakin batzuk eskaintzen dizkion.

Baimenak

Langileak lanera ez joateko eskubidea duen egoerak, enpresariari aldez aurretik jakinarazita, eta soldata galdu gabe (normalean hitzarmen kolektiboan jasota daude).