Langileen Eskubideak eta Betebeharrak Laneko Prebentzioan

Langileen Eskubideak eta Betebeharrak Prebentzioan

Langileen Eskubideak

Prebentzioaren arloan langileek dituzten eskubide nagusiak:

• Lan-segurtasuneko eta lan-osasuneko gaietan iritzia emateko, informazioa eta prestakuntza jasotzeko, eta prebentzio-neurriak ezartzeko orduan parte hartzeko eskubidea.
• Norbera Babesteko Ekipamenduak (NBE) izateko eskubidea (gaztelaniaz, EPI) eta berehalako arrisku larria badago, jarduera gelditzeko eskubidea.
• Aldian-aldian osasuna kontrolatzeko eskubidea.
• Babes berezia izateko eskubidea, hala nola haurdun daudenek, adingabeek eta aldi baterako langileek edo ETTetakoek (Aldi Baterako Laneko Enpresak).

Langileen Betebeharrak

Langileek prebentzioaren arloan dituzten betebeharrak:

• Segurtasun-gailuak behar bezala erabiltzea.
• Anomaliaren bat antzemanez gero, nagusiari eta prebentzio-ekintzak egiteko ardura duten langileei berehala jakinaraztea.
• Lan-baldintza seguruak lortzeko, nagusiarekin lankidetzan aritzea.

Babes Bereziko Taldeak

Adingabeek ba al dute berariazko babesik?

Bai, enpresaburuak babes berezia eman behar die talde batzuei, besteak beste: haurdun daudenei, 18 urtetik beherakoei eta aldi baterako langileei.

Kasu Praktikoak

Endikaren Kasua: Lanbide Gaixotasuna (Amiantoa)

Endikaren lanak eragin negatiboa izan du haren osasunean. Lanbide-gaixotasuna da, lanaren ondoriozko gaitza delako.

Endikaren enpresak amiantoaren arriskuak murrizteko kontuan hartu behar zituen neurriak:

• Amiantoarekin kontaktuan dauden langileei informazioa eta prestakuntza ematea.
• Amiantoaren eraginpeko langileen jarraipen medikoa egitea.
• Prozesu eta substantzia arriskutsuak beste batzuekin ordeztea edo ingurutik kentzea. Ezinezkoa denean, arriskuak ebaluatu behar dira, eta idatzizko protokolo zorrotz bat ezarri fibrozementu-lanetarako.
• Taldeko babes-neurriak aplikatzea arriskuaren jatorrian (aire-xurgatze lokalizatuak, lokalen aireztapen egokia, lanaren antolaketa egokia, etab.).
• Taldeko babes-neurriekin arriskua behar adina ezin bada murriztu, lanerako aproposak diren NBEak eman beharko zaizkie langileei.
• Arriskua seinalatzea.

Usoaren Kasua: Logistika Enpresa batean

Usoaren enpresa Lan Arriskuen Prebentzioa arautzen duen errege-dekretua hausten ari da.

Prebentzio-neurri orokorrak, kasu honetan aplikagarriak:

• Instalazioak egoki eraikitzea.
• Espazioek lana eroso egiteko moduko dimentsio aproposak edukitzea.
• Instalazioak txukun mantentzea.
• Babes-neurri kolektibo egokiak edukitzea.
• Segurtasun-seinale argiak edukitzea.
• Lan-eremua ordenatuta eta garbi egotea.