Localización Industrial, Dimensión Empresarial e Crecemento

Localización Industrial e Comercial

Factores na Localización Industrial

1. Dispoñibilidade e custo do terreo.
2. Facilidade de acceso ás materias primas.
3. Existencia de man de obra cualificada.
4. Nivel de industrialización e infraestruturas da zona.
5. Transportes e comunicacións.
6. Existencia de axudas económicas ou fiscais.
7. Outros: Desenvolvemento económico e social da zona, facilidade para facer negocios, clima laboral e social, etc.

Factores na Localización Comercial e de Servizos

1. Proximidade á demanda.
2. Visibilidade do local.
3. Custo do local.
4. Facilidade de comunicación e comodidade de acceso.
5. Existencia de servizos complementarios.

A Dimensión Empresarial

A dimensión ou tamaño da empresa fai referencia á súa capacidade produtiva ou máximo nivel de produción alcanzable nun período de tempo determinado.

Para lograr a mellor situación competitiva posible, a empresa debe ter un tamaño óptimo. Se o tamaño é excesivo, asumirá uns custos que non poderá manter; e se o tamaño é demasiado reducido, perderá oportunidades.

Para determinar o tamaño óptimo da empresa, cómpre ter en conta os seguintes factores:

1. Custos: As empresas de gran tamaño realizan importantes investimentos en infraestrutura (o que supón uns custos fixos elevados) co que adoitan alcanzar importantes economías de escala (custos unitarios moi baixos).
2. Flexibilidade: Os cambios na demanda adoitan ser moi rápidos e intensos, polo que a estrutura interna da empresa debe ser facilmente adaptable.
3. Cota de mercado: Canto maior sexa a cota de mercado á que aspira a empresa, maior deberá ser a súa dimensión.
4. Capacidade financeira: Crecer implica investir e para investir normalmente as empresas necesitan endebedarse.

Criterios para Medir a Dimensión Empresarial

Non existe un único criterio para determinar o tamaño da empresa. Os máis utilizados son:

1. Número de traballadores.
2. Volume de vendas ou ingresos.
3. Volume de produción.
4. Recursos propios.
5. Activo total.
6. Beneficio neto.

O uso dun criterio ou outro daranos distintas clasificacións das empresas segundo o seu tamaño. Por iso adóitase utilizar varios criterios de forma combinada.

Por exemplo, a Unión Europea adoita utilizar tres criterios complementarios:

O Crecemento da Empresa

Tipos de Crecemento

• Crecemento interno: Baseado en novos investimentos realizados pola empresa para aumentar a súa capacidade produtiva. Dáse nos primeiros momentos da empresa.
• Crecemento externo: Ten lugar mediante a adquisición, fusión ou alianza con outras empresas, dando lugar a procesos de concentración empresarial. Dáse cando a empresa ten alcanzado xa un certo tamaño e en combinación con procesos de crecemento interno.

Formas de Crecemento Externo

1. Integración de sociedades: Fusión, Absorción. Á súa vez: Concentración horizontal, Concentración vertical (trust).
2. Participación.