Lorentzen Legea eta Indar Magnetikoak: Definizioa eta Aplikazioak
Clasificado en Física
Escrito el en vasco con un tamaño de 2,78 KB
Higitzen Ari Den Karga Puntual Baten Gaineko Indarra: Lorentzen Legea
Eremu magnetikoak karga elektrikoari eginiko indarrak honako propietate hauek ditu:
- Karga pausagunean badago, eremuak ez dio inolako indarrik eragiten.
- Karga v abiaduran higitzen ari bada, ezaugarri hauek dituen indar magnetikoa jasaten du kargak:
- Kargaren balioaren, | q |, proportzionala da.
- v abiadurarekiko perpendikularra da.
- Modulua abiaduraren norabidearen menpekoa da.
Propietate horiek Lorentzen indarra deritzon legean bil daitezke:
F = q (v x B)
- Lorentzen indarraren modulua: F = | q | × v × B × sin(α), non α angelua v eta B bektoreen arteko angelua den.
- Lorentzen indarraren norabidea v x B biderkadura bektorialak determinaturikoa da. Hau da, indar magnetikoa kargaren abiaduraren eta eremu magnetikoaren osatzen duten planoarekiko perpendikularra da. Noranzkoa ezker-eskuinaren arauaren bidez zehazten da.
Lorentzen legeak eragiten duen ondorio nagusiena hauxe da: indar magnetikoa karga higitzen den abiadurarekiko perpendikularra denez (hau da, indar zentripetua denez), ez du abiaduraren modulua aldatzen, norabidea baino ez du aldatzen. Beraz, partikulen higiduran, indar honen ondorioz azelerazio normal bat agertzen da (azelerazio tangentziala nulua delarik), partikula kargatuen ibilbidea abiadura konstantez deskribatutako zirkunferentzia delarik (HZU). Zirkunferentzia honen erradioa, Newtonen bigarren printzipioa aplikatuz lor daiteke:
F = m × a R = mv / (q × B)
Korronte-elementu Baten Gaineko Indar Magnetikoa
Barnetik korronte elektrikoa zirkulatzen ari den eroaleak indar bat jasaten du eremu magnetikoan kokatuta dagoenean. Eremu magnetikoak korrontea osatzen duten kargei egindako Lorentzen indar guztien erresultantea da indar hori. Demagun I × dl korronte-elementua. Elementu horrek dt denbora-tartean garraiatzen duen karga elektrikoa hauxe da: dq = I × dt. Karga guztiek abiadura berbera, v, dutela suposatuz gero, korronte-elementuari egindako Lorentzen indarra era honetan idatz daiteke:
C eroale osoari egiten dion indar magnetikoa kalkulatzeko, indar guztiak batu behar ditugu:
B eremu magnetikoan dagoen l luzerako hari eroale zuzenaren kasuan, hariaren gaineko guztizko indarra hau da:
Horren modulua: F = I × l × B × sin(α), non α, l eta B bektoreek eratutako angelua den. Norabidea: korrontearen eta eremu magnetikoaren norabideekiko elkarzuta izango da. Noranzkoa: ezker-eskuaren arauarena.