Lurraren Barne-Egitura eta Dinamika Geologikoa

Gaia: Failak eta Uhin Sismikoak

• Faila: Blokeen desplazamendua eragiten duen harrien haustura da.
• Etenunea: Bi material multzoen artean dagoen banaketa-gainazala da, uhin sismikoak islatzeko eta errefraktatzeko duten gaitasunaren arabera definitua.
• Hipozentroa: Gune sismikoa da; lurrikara edo mugimendu sismikoaren lur barneko sorgunea.
• Epizentroa: Lurraren gainazalean lehendabizi ukitzen duen puntua da, eta hipozentroarekiko bertikalean dago.

Gaia: Eredu Geodinamikoak

Lurraren barne-egitura aztertzeko bigarren eredua da. Eredu geodinamikoak oinarritzat hartuta, geruzak zer egoeratan dauden eta zer propietate mekaniko dituzten aztertzen da, beren presio eta tenperaturei erantzuteko.

Lurraren Geruza Geodinamikoak

• Litosfera: Goi-mantuko zatirik kanpoaldekoena lurrazalari hertsiki lotuta dago, eta litosfera izeneko egitura zurrun bat osatzen dute elkarrekin. Bi litosfera mota daude: ozeanikoa eta kontinentala. Litosfera azpiko mantuko higiduren bitartez, litosfera plaka litosferiko izeneko bloke handietan zatituta dago. Bi prozesu nagusi bereizten dira: plaken tektonika eta doikuntza isostatikoa.
• Astenosfera: Geruza plastiko bat da eta fluido gisa jokatzen du.
• Mesosfera: Behe mantua hartzen du, 670 km-ko sakoneratik hasi eta D" geruzarainoko zatia. Solido dagoen arren, fluido gisara mugi daiteke. Subdukzio-eremuetako plaka litosferiko hotzei behera egiten uzten die eta D" geruzako magmari gora egiten.
• D" Geruza: Planetako eremurik dinamikoenetako bat da eta noizean behin gandor termikoak askatzen ditu; hau da, litosferara iristen diren eta hura zulatzen duten magma-luma bero-beroak. Gandor termikoen eraginez, jarduera bolkaniko handiko gune beroak sortzen dira.
• Endosfera: Nukleo osoa hartzen du. Konbekzio-korronteek bero hori D" geruzara kanporatu eta han metatzen dute. Konbekzio-korronte horiek sortzen dute Lurraren eremu magnetikoa.

Gaia: Litosferako Higidura Bertikalak

Litosfera zurruna litosfera azpiko mantuaren gainean flotatzen dago isostasia izeneko flotatze-oreka baten bidez. Litosferaren gaineko pisua areagotzeak litosfera hondoratzea eragin dezake; fenomeno horri subsidentzia esaten zaio.

Gaia: Alfred Wegener eta Higidura Horizontalak

Alfred Wegener meteorologoak, XX. mendearen hasieran, higidura horizontalei buruzko formulaziorik garrantzitsuena egin zuen.