Materialen Ezaugarriak: Propietateak, Korrosioa eta Zeramikoak

Materialen Propietate Mekanikoak

• Kohesioa: Material baten molekulak lotzen dituen indarra (adibidez, altzairua).
• Gogortasuna: Beste material batzuk marratzeko gaitasuna (adibidez, diamantea).
• Elastikotasuna: Indar deformatzailea desagertzean, deformatutako gorputz batek hasierako forma berreskuratzeko duen gaitasuna (adibidez, goma).
• Plastikotasuna: Deformatutako material batek, apurtu gabe, forma berria hartzeko duen gaitasuna (adibidez, plastilina).
• Harikortasuna: Plastikoki deformatzeko (hariak sortuz) duten gaitasuna (adibidez, altzairua).
• Xaflakortasuna: Plastikoki deformatzeko (xaflak sortuz) duten gaitasuna (adibidez, aluminioa).
• Zailtasuna: Kanpoko esfortzu gogorren aurrean materialek, apurtu gabe, deformatzeko duten gaitasuna (adibidez, plastilina).
• Hauskortasuna: Kanpoko esfortzu gogorren aurrean materialek apurtzeko duten gaitasuna (adibidez, kristala).
• Nekea: Errepikatzen den indar batek azkenean metala apurtu dezake (indar mekanikoa).
• Erresilientzia: Material batek apurtu aurretik zenbat energia xurgatu dezakeen.

Oxidazioa eta Korrosioa

Airearen osagai nagusiak oxigenoa (%79) —metalekin oso erreaktiboa, bere elektronegatibotasun handia dela eta— eta nitrogenoa (%21) dira. Oxigenoak ingurune lehor eta beroetan metalak oxidatzen ditu, eta ingurune hezeetan korrosionatzen ditu. Oxidazioan metalak oxigenoari elektroiak uzten dizkio. Korrosioan, oxigenoak eta hezetasuneko urak metalan prozesu elektrolitiko bat eragiten dute, azkenean metalak elektroiak galtzen dituelarik.

Korrosio Motak

• Uniformea: Zonaren lodiera berdina da metalaren azal guztian. Zenbat eta txikiagoa izan piezaren lodiera, gero eta txikiagoa da haren erresistentzia mekanikoa.
• Mugatua: Pitzadurak, zuloak eta ildoak sortzen ditu metalaren azalean. Deformazio-ahalmena gutxitzen du eta oso zaila da eragoztea.
• Bikor artekoa: Metala osatzen duten bikorren arteko loturei erasotzen die eta haien arteko kohesioa kaltetzen du.

Material Zeramikoak

• Gogorrak eta erresistentzia mekaniko handikoak dira.
• Tenperatura handiak jasan ditzakete, fusio-puntu altua eta dilatazio termiko txikia dutelako.
• Eraso kimikoen aurrean oso egonkorrak dira, egitura atomikoa oso egonkorra dutelako.
• Ezaugarri elektriko onak dituzte gailu elektriko eta elektronikoak egiteko, beren eroankortasun elektrikoa aldakorra bihur daitekeelako.

Aplikazioak

• Ebaketa- eta zorrozketa-tresnak egiteko.
• Motor termikoetan.
• Azidoetatik eta korrosio-erasoetatik babesteko.
• Imanak, erresistentzia elektrikoak, erdieroaleak, eta abar egiteko.