Materialen Propietate Fisiko, Mekaniko eta Termikoak

Materialen Propietate Mekanikoak

Gogortasuna

Material batek beste batek marrarik ez egiteko duen erresistentzia da.

Harikortasuna

Trakzio indar bat eraginez, deformazio iraunkorra hartzeko gaitasuna.

Hauskortasuna

Aldez aurretik apur bat edo ezer ez deformatu gabe apurtzen diren materialen ezaugarria.

Zailtasuna

Apurtzea eragiteko behar den energia kantitatea neurtzen du.

Trakzioarekiko Erresistentzia

Apurtzea eragiten duten karga egoerak aplikatzen direnean, azalera-unitate bakoitzeko sortzen den indarra da.

Elastikotasuna

Deformazioa eragiten duen indarra desagertzean, aurreko forma berreskuratzeko gaitasuna.

Nekeari Erresistentzia

Aldian aldiko esfortzuak, behin eta berrirokoak, jasateko gaitasuna.

Xaflakortasuna

Konpresio indar bat eraginez, deformazio iraunkorra hartzeko gaitasuna.

Plastikotasuna

Deformazio iraunkorra lortzeko gaitasuna, hautsi gabe.

Propietate Fisiko eta Termikoak

Dentsitatea

Material baten bolumen unitateak duen masa da:

• Burdina: 7,89 kg/dm³
• Aluminioa: 2,4 kg/dm³
• Urrea: 19,3 kg/dm³

Eroankortasun Elektrikoa

Elektrizitatea eroateko gaitasuna neurtzen du: metalak (ona) / ez-metalak (txarra).

Dilatazio Termikoa

Beroaren eraginez materialak handitu egiten dira, eta hoztuz gero uzkurtu.

Bero Espezifikoa

Material baten tenperatura aldatzeko eman behar zaion bero kantitatea da: metalek (txikia) / ez-metalek (handia).

Fusio Tenperatura

Materialak solidotik likidora pasatzeko behar duten tenperatura:

• Burdina: 1.536 Cº
• Aluminioa: 660 Cº

Eroankortasun Termikoa

Beroa eroateko gaitasun handiagoa edo txikiagoa izatea: metalek (ona) / ez-metalek (txarra).

Metalurgia eta Aleazioak

Labe Garaia

Burdin minerala metalezko burdina bihurtzea du funtzio. Burdin minerala, urgarria eta koke ikatza sartzen dira, eta arrabioa eta zepa ateratzen dira.

Altzairua

• Altzairu Arrunta: Karbonoa %0,03 eta %1,76 artean duen aleazioa da.
• Altzairu Aleatua: Beste elementu batzuekin nahasten da.

Brontzea

Oso moldeagarria, marruskadura baldintza egokiak ditu eta eroankortasun elektriko ona. (5,9 €/kg).

Aluminioa

Ondo eusten dio korrosioari, oso arina, bero eta elektrizitate eroale ona eta mekanizatzeko erraza. (2-4 €/kg).

Altzairu Arrunta (Propietateak)

Zailtasun onekoa, erresistentzia handikoa eta tratamendu termikoa emateko oso egokia.

Produktu Siderurgikoak

Profilak, bobinak eta palankilak.

Altzairu Komertziala

Xaflak, profilak, hodiak eta barra masiboak.

F Kodeen Esanahia (Altzairua)

• F1000: Eraikuntza
• F2000: Erabilera bereziak
• F3000: Erabilpen orokorreko altzairu herdoilgaitza
• F4000: Larrialdiak
• F5000: Erremintak
• F6000: Eraikuntzan
• F7000: Erabilera arruntak
• F8000: Moldeatzeko

Zura eta Bere Ezaugarriak

• Pinu Insignis

  Bilgarriak egiteko erabiltzen da. Ugaria, erresistentea eta nahiko merkea.

• Haritza

  Tarimak egiteko. Oso gogorra, urarekiko erresistentzia handia, trinko, sendoa, iraupen luzekoa eta lotzeko oso gogorra.

• Lizarra

  Txirrinduen koadroak egiteko. Gogorra, elastikoa, malgua, talka eta dardarekiko erresistentzia handikoa.

• Abetoa edo Izeia

  Arina, biguna, elastikoa eta oso iraunkorra. Iraupen handia du urpean edo aire zabalean. (450 €/m³).

Plastikoak eta Enpresak

Beira Zuntza

Erregaitza, propietate isolatzaile onak ditu, eta poliesterrezko erretxinarekin nahastean, propietate mekaniko nahiko onak lortzen ditu. (1,35 €/kg).

Termoplastikoak eta Termoegonkorrak

Termoplastikoen Abantailak

• Beroarekin moldeatu daitezke, ez dutelako aldaketa kimikorik izaten.
• Birziklatzeko errazak.

Termoplastikoen Desabantailak

• Beroarekiko ez dute erresistentzia handirik.

Plastikoa Ingurumenean

Gaur egun plastikoa gauza askotarako erabiltzen da, eta horrek kutsadura eragiten du. Merkea delako erabiltzen da hainbeste, eta egoera hau arintzeko modu bat termoplastikoak erabiltzea da, berrerabiltzeko errazak baitira.

Enpresa Adibideak

• Plasnor

  Polikarbonatua, ABS, PMMA, polietilenoa... Prozesu nagusia: termokonformatua.

• Conposites

  Poliesterrezko erretxina. Prozesu nagusia: molde bidezkoa.