Medikuntzako Termino eta Materialen Gida

Definizioak

Poliuria:

Egunean 2.000 ml gernu baino gehiago kanporatzea. Diabetes mellitus gaixotasunaren adierazleetako bat izaten da.

Oliguria:

Egunean 500 ml gernu baino gutxiago kanporatzea. Nefrosiaren adierazle izaten da.

Anuria:

Egunean 100 ml gernu baino gutxiago kanporatzea. Larritasun handiko egoerekin lotuta egoten da (gernubideen buxadurak, adibidez).

Disuria:

Mikzio zailak edo mingarriak.

Polakiuria:

Mikzio oso ugariak eta kantitate txikikoak.

Nikturia:

Mikzio ugari gauean.

Tenesmo besikala:

Txiza egin ondoren gehiago egiteko gogoa izatea.

Gernu-inkontinentzia:

Nahi gabeko gernu-galerak.

Gernu-erretentzioa:

Gernua kanporatzeko ezintasuna.

Enuresia:

Lo egiten den bitartean nahi gabe txiza egitea.

Proteinuria:

Gernuko proteina kantitatea balio normalen gainetik egotea.

Glukosuria:

Gernuan glukosa egotea. Oso ohikoa da diabetes mellitusa dutenen artean.

Leukozituria:

Gernuko globulu zurien kantitatea balio normalen gainetik egotea.

Koluria:

Gernuak koñak edo Coca-Cola kolorea izatea, gehiegizko bilirrubina izateagatik (ikterizia kasuak).

Piuria:

Gernuan zornea egotea.

Bakteriuria:

Gernuan bakterioak egotea.

Hemoptisia:

Eztula egitean odola agertzea. Laringeko edo birikako minbizia edo tuberkulosia dagoenean agertzen da.

Gorozki akolikoak:

Gorozkiek kolorerik ez dutenean, behazuna eta haren produktuak hestera isurtzen ez direnean. Gutxi koloreztatutako gorozkiak agertzen dira, batzuetan zuriak ere izan daitezkeelarik.

Melena:

Gorozkiek kolore belzkara izaten dute, eta oso bigunak egoten dira, digeritutako odola dutelako. Hestegorritik, urdailetik eta heste meharretik doazen odoljarioengatik egoten da odola gorozkietan.

Hemokultiboa:

Odolaren azterketa mikrobiologikoa.

Materialak eta Teknikak

• Gernua biltzeko ontzia: 24 orduko gernua biltzeko. Litro edo litro eta erdikoa izan ohi da.
• Bularreko haurrei gernua biltzeko poltsa: Poltsa irekia edo itxia pixoihal azpian jartzen da.
• Tira erreaktiboak: Gernu-analisi kualitatiboak egiteko.
• Lagin ontzia: Gernua, karkaxak eta kultiboak hartzeko.
• Gernua biltzeko ontzi esterila eta etiketa: Pazientearen gernu-laginak hartzeko.
• Gorozki lagin ontzia eta koilaratxoa: Gorozki-laginak hartzeko (ez da goi-goian bete behar).
• Gernu-zunda duen paziente bati lagina jasotzeko teknika: Zunda duen paziente bati gernu-lagina jasotzeko prozedura.
• Vacutainer sistemako hodiak: Gorria (antikoagulatzailerik gabea), Morea (EDTA), Urdina (Potasio zitratoa), Berdea (Heparina), Grisa (Potasio oxalatoa).
• Isopo esterila: Gorputzeko eremu desberdinetatik laginak hartzeko, adibidez, zaurietatik edo faringetik.
• Odol-gasometria teknika: Arteria-odolaren lagin bat hartzea arnasketa-gasak neurtzeko.
• Orratz-punta babeslea: Vacutainerra sartzeko.
• Huts-sistemako orratza: Huts-sisteman laginak ateratzeko erabiltzen diren orratzak.
• Hemokultibo ontzia: Odol-laginetan infekzioren bat dagoen jakiteko erabiltzen diren lagin-ontziak.
• Karkaxak biltzeko prozedura: Hodia eztarritik sartzen da eta karkaxak potean pilatzen dira.
• Estasailea: Estasia lortzeko.
• Odola huts bidez ateratzeko materiala: Vacutainerra eta tximeletatxoa, odol-laginak hartzeko.
• Hondakin biologikoak deuseztatzeko ontzia: Hondakin biologikoak dituzten materialak (xiringak, bisturiak, etab.) botatzeko.
• Karkaxak biltzeko sistema: Hodia sudurretik sartzen da eta karkaxak xurgatzean potera joaten dira. Eskuzkoak eta automatikoak izan daitezke.
• Laginak hartzeko ontzi esterila eta mihi-jaitsigailua: Hainbat lagin hartzeko, adibidez, gorozkiak edo aho-faringeko laginak.
• Odol-lagina hartzeko xiringa: Odol-laginak hartzeko.
• Glukosimetroa, lantzeta eta paper erreaktiboa (gluzemia neurtzeko materiala): Odolean glukosa kantitatea neurtzeko.