Motor Elektrikoak: Korronte Zuzeneko eta Alternoko Oinarriak
Clasificado en Tecnología
Escrito el en 
vasco con un tamaño de 2,2 KB
Korronte Zuzeneko Motorrak
Energia elektrikoa korronte zuzen moduan hartu eta bere atal higikorraren biraketaren ondorioz energia mekaniko bihurtzen duen motorra da.
Osaera
Estatorea
Atal finkoa da, haril induzitzaile izenekoak elektroimanaren poloen inguruan kokatutakoak. Poloak karkasan finkatuta daude.
Errotorea
Atal higikorra da. Induzitu izeneko burdinazko nukleo baten arteketan kiribildutako hainbat harilez, haril induzitu izenekoez. Harilen muturrak kolektorea osatzen duten delga izeneko kobrezko orri batzuetara soldatzen dira. Horrez gainera, motorrak eskuilak ditu eskuila-etxeetan muntatuak.
Funtzionamendua
Motorra elikatze-iturriarekin konektatzen dugunean, korronte elektrikoak haril induzitzaileetatik zirkulatzen du elektroiman bat sortuz eta behar dugun eremu magnetikoa ezarriz. Korronte zuzen honek haril induzituetatik ere zirkulatzen du eskuiletan eta kolektorearen barrena. Behin eremu magnetikoa ezarrita, haril induzituen gainean eragiten duten indar pareek haril horiek biraraziko dituzte; harilekin batera errotore osoa ere biratuko da.
Indar Elektromagnetikoak
Motor elektrikoen funtzionamendu printzipioa eroale bati eta espira bati ezartzen zaizkien indar elektromagnetikoetan oinarritzen da.
Eroale Baten Gaineko Indarra
Intentsitateko korronte elektrikoa daraman L luzerako eroale bat B induziozko eremu magnetiko baten barnean ezartzen denean, honek F indar bat egiten du haren gainean.
Korronte Alternoko Motorrak
Osaera
Estatorea
Atal finko hau altzairu-orrizko koroa-karkasak osatzen du. Hiru haril induzitzaile ditu, eta borne-plakarekin motorra sarera konektatzen da.
Errotorea
Atal higikorra estatorearen barnealdean urtxintxa-kaiolako hainbat eroaleez osatzen da. Errotorea ardatz batean muntatzen da.
Funtzionamendua
Korronte zuzenekoen antzekoa da, eroale, espira edo harilen gain dagoen indar elektromagnetikoetan oinarritzen delako, baina desberdintasun garrantzitsuak daude. Motorrari konektatzen zaion korronte alterno trifasikoa haril induktoreetatik zirkulatzeko bakarrik erabiltzen da; ondorioz, makinaren eremu magnetiko birakari bat sortzen da.