Motorrak, Mekanismoak eta Automatismoen Oinarriak

Bi Alditako Eztanda-Motorra

Bi alditako eztanda-motorraren funtzionamendua bi fase nagusitan banatzen da:

1. Aldia: Eztanda eta Ihesa

Pistoia PMSean (Puntu Hila Goren) dagoenean, eztanda gertatzen da. Gasak hedatu egiten dira, pistoia beherantz bultzatuz, ihesbidea askatu arte. Gasak irten ondoren, pistoiak oraindik beherantz jarraitzen du.

Pistoia jaisten den neurrian, pistoipean dagoen fluidoa konprimitu egiten da, honek sarrera bidea askatu arte. Une honetan, beheko fluidoa gorantz pasatzen da eta ganbara barruan gelditu diren errekuntzako gasak kanporatu egiten ditu.

2. Aldia: Konpresioa eta Sarrera

Pistoia PMItik (Puntu Hila Behere) gorantz abiatzen da, sarrera fasea osatuz, sarrera eta ihesbidea estali arte. Une honetatik aurrera, konpresioa hasten da PMSean heldu arte. Aldi berean, sarrera irekita geratzen da eta zilindroan airea sartzen da.

Diesel Motorra

Diesel motorrak gasolina edo gasezko motorren antzera funtzionatzen du, baina desberdintasun nagusi batzuk ditu:

1. Admisioa: Motorraren sarrera-aldian airea bakarrik hartzen du. Eztanda errazago gerta dadin, sarrerako aire hau berotu egiten da.
2. Konpresioa eta Injekzioa: Konpresio fasean, pistoiak aire hau konprimitu egiten du. PMSetik nahiko hurbil dagoen unean, erregaia injektatzen zaio injektoreen bitartez.
3. Eztanda: Airearen tenperatura handia denez (bai konpresioagatik, eta bai aurrez berotu dugulako), nahasketa eztanda egiten du, pistoia beherantz bultzatuz.

Hemendik aurrerako funtzionamendua gasolina-motorren berbera da.

Oinarrizko Definizioak: Mekanismoak eta Makinak

Mekanismoa

Mugimendua aldatu eta igorriz energia garraiatzeko aukera ematen duen elementu multzoa da.

Motorra

Edozein energia-forma energia mekaniko bihurtzeko gai den gailua da.

Jardulea

Mugimendua lan bihurtzen duen osagaia edo gailua da.

Makina

Lanen bat egiteko aukera ematen duen motor batek, mekanismo edo sistema mekaniko batek eta jardule batek osatzen duten multzoa da.

Automatismoa

Makina batek nolabaiteko automatismoa duela esango dugu, mugimendu-segida bat memorizatzeko gai denean.

Makina Automatikoa

Automatizazio mailaren bat duen makinari esaten zaio.

Kontrola

Automatismoak memorian sartu eta kudeatzen dituen gailua. Konplexua denean, kontrol-sistema izena emango diogu.