Musika Hezkuntzaren Onurak eta Metodologia Nagusiak

Musikaren Onurak Haurren Garapenean

Musikak haurren garapen integrala bultzatzen du hainbat arlotan:

Garapen Kognitiboa

• Memoria, kontzentrazioa, arreta eta pentsamendu abstraktua hobetzen ditu.
• Hizkuntzak eta irakurketa ikasten laguntzen du.

Garapen Motorea

• Instrumentuak jotzeak eta dantzak koordinazioa eta motrizitate fina hobetzen dituzte.
• Haize-instrumentuak (tronpeta, klarinetea, etab.) eta abestea arnasketa eta jarrera ona edukitzen laguntzen dute.

Gizarte eta Emozio Dimentsioa

• Musikak inklusioa bultzatzen du (denok parte hartu dezakegu).
• Autoestimua eta konfiantza hobetzen ditu, batez ere jendaurrean abesten edo jotzen denean.

Dimentsio Terapeutikoa

• Haur hiperaktiboen tentsioa murrizten eta aldartea hobetzen laguntzen du.
• Gorputza eta burua orekatzen laguntzen du.

Kultura eta Historia

• Haurrek beren kultura eta beste kultura batzuk ezagutzen laguntzen du.
• Historia ulertzeko balio du (adibidez, garai bakoitzean zegoen musika ezagutuz).

Irakasleen Prestakuntzaren Garrantzia

Prestakuntza espezializatua duen irakasleak material egokia erabiltzen du eta hobeto irakasten du. Ondo formatutako irakasleek motibazio handiagoa dute eta giro positiboa sortzen dute. Gainera, musika beste arloekin lotzeko gai dira, ikaskuntza esanguratsua lortuz.

Prestakuntzak irakasleari konfiantza handitzen dio. Gaitasuna prestakuntzarekin garatzen da, metodo berriak erabili eta eraginkorragoa izateko. Musika baloratzen dutenek gogoekin irakasten dute.

Musika Irakasteko Metodologia Nagusiak

Yamaha Metodoa

«Yamaha metodoa» bezala ezagutzen dena, musikan taldeetan lan egiteko estrategia metodologikoa da, ikuspegi integrala duena. Adin guztietako ikasleei musika modu integral eta eraginkorrean irakasteko diseinatutako hezkuntza-ikuspegia da, batez ere talde-lanean oinarritzen dena.

Taldean musika ikasteak hainbat onura dakarzkio ikasleei:

• Motibazioa eta lankidetza.
• Talde-lana eta entzumen musikala.

Ikaskuntza metodo honek entzumenak eta imitazioak duten garrantzia nabarmentzen du. Gurasoen parte-hartzea ere funtsezkoa da hasierako etapetan, haurren aurrerapena azkartzeko.

Dalcroze Metodoa

Musika irakasteko erritmoaren, mugimenduaren eta dantzaren erabileran oinarritutako metodo pedagogikoa da. Metodo honen sortzaileak uste zuen gorputz osoak musika hautematen duela, ez bakarrik belarriek.

Helburua hezkuntza erritmikoaren bidez musika-trebetasunak garatzea da. Ikasleek beren nerbio-sistema garatzea, koordinazioa eta malgutasuna hobetzea bilatzen du.