Nekazaritza Komertzial Mota Nagusiak Munduan

Nekazaritza Komertzial Mota Nagusiak

Plantazioetako Nekazaritza

Kokapena:

• Afrika
• Erdialdeko Amerika
• Hego Amerika
• Asia

Ezaugarriak:

• Labore bakarreko nekazaritza da.
• Produktu tropikalak ekoizten dira, herrialde garatuetara esportatzeko.
• Lursail erraldoiak erabiltzen dira, hau da, latifundioak.
• Jabeak herrialde garatuetako multinazional handiak dira, eta teknika modernoen bidez kudeatzen dituzte lursailak.
• Jende askok lan egiten du, baina soldatak urriak dira.
• Enpresek irabazi handiak lortzen dituzte.

Produktu nagusiak:

• Kafea
• Kotoia
• Banana
• Tea
• Tabakoa

Zerealen Nekazaritza Teknifikatua

• Errendimendu handiko nekazaritza estentsiboa da.
• AEBko, Kanadako eta Australiako ordokietan hedatuta dago.
• Lursailak erregularrak eta izugarri handiak dira, hau da, latifundioak.
• Produktibitate handia lortzen da oso langile gutxirekin.
• Zereginak mekanizatuta daude, sistema sofistikatuak, kontrol informatikoa eta abar erabiliz.

Produktu nagusiak zerealak dira:

• Garia
• Artoa
• Basartoa

Nekazaritza Atlantikoa

• Produktibitate handiko nekazaritza-sistema da, Europako isurialde Atlantikoko herrialdeetan ohikoa.
• Teknologia modernoak erabiltzen dira: ingeniaritza genetikoa, informatika-sistemak eta berotegiko laborantza.
• Erraz mekanizatzen diren eta merkatuan aise saltzen diren produktuak ekoizten dira, adibidez:
  • Garia
  • Artoa
  • Bazka-landareak

Nekazaritza Mediterraneo Modernoa

Mediterraneo itsasoaren ertzeko herrialdeetan bi nekazaritza mota izan dira beti:

• Lehorreko laboreak (zerealak, olibondoak, mahatsondoak...)
• Labore ureztatuak (fruta-arbolak eta barazkiak)

Modernizazioa:

• Merkatuaren eskakizunetara egokitu da, teknologia berriak aplikatuz.
• Errentagarritasun handia lortu da.
• Modernizazioa nabariagoa da laborantza ureztatuan:
  • Ubideei eta ureztatze-sistema modernoei esker, fruta-arbolen sail handiak landu ahal dira.
  • Barazkiak berotegietan hazten dira, eta ureztatze-sistema modernoak erabiltzen dira ura aurrezteko.
  • Laborantza hidroponikoa ere erabiltzen da; landareek ez dute lurrik behar.
• Lehorreko laborantzari dagokionez, ekoizpena kontrolatzeko sistema modernoak erabiltzen dira mahastizaintzan. Leku asko labore horretan espezializatuta daude.