Ondas: Definicións e Conceptos Clave

Conceptos Básicos do Movemento Ondulatorio

• Amplitude (A): É a máxima distancia que alcanza un punto que vibra, separado da súa posición de equilibrio, ao ser alcanzado por unha onda.
• Elongación (x): É a distancia dun punto á súa posición de equilibrio nun instante determinado. A elongación máxima é a amplitude.
• Período (T): É o tempo que emprega unha partícula alcanzada pola onda en realizar unha oscilación completa.
• Frecuencia (f): É o número de oscilacións completas que unha partícula efectúa nun segundo. A unidade de frecuencia é o hercio (Hz).
• Fase: Dúas partículas están en fase cando se encontran no mesmo estado de vibración.
• Lonxitude de onda (λ): É a distancia percorrida pola onda nun tempo igual ao período.
• Velocidade de propagación (v): É a velocidade á que se propaga o momento ondulatorio. O seu valor é o cociente da lonxitude de onda e o período.

Definición de Onda e Movemento Ondulatorio

Unha onda ou movemento ondulatorio é a propagación dun movemento vibratorio por un medio material.

Nun movemento ondulatorio prodúcese unha propagación de enerxía por un medio material sen transporte de materia.

Refracción, Reflexión e Dispersión da Luz

Denomínase índice de refracción (n) dun medio ao cociente entre a velocidade (c) da luz no baleiro e a velocidade (v) da luz no medio.

A cor é a sensación causada na retina por cada unha das frecuencias das ondas luminosas.

Chámaselle dispersión da luz á descomposición dun raio de luz nas cores que o compoñen.

A refracción é o cambio de dirección e de velocidade das ondas, sexan sonoras ou luminosas, cando pasan dun medio a outro ou cando varían a densidade ou a temperatura do medio polo que se propagan. É o cambio de dirección que se produce cando a luz pasa dun medio a outro. Hai un cambio de velocidade de propagación.

A reflexión da luz é o cambio de dirección que experimenta cando incide nunha superficie opaca e pulimentada. A luz non cambia de medio de propagación e, polo tanto, non cambia de velocidade. As ondas sonoras reflíctense ao chocar contra unha superficie.

Velocidade da Luz e Relación con Lonxitude de Onda e Frecuencia

Velocidade da luz: 3 · 10⁸ m/s

A frecuencia (f), a lonxitude de onda (λ_o) e a velocidade no baleiro (c) están relacionadas, como en calquera movemento ondulatorio, mediante a expresión: c = λ_of