Plastikoaren Injekzio Prozesua: Moldeak, Makinak eta Akatsak

1. Injekzio Molde Baten Funtzionamendu Printzipioa

Injekzio prozesuan, aurretik urtutako edo injekzio unitatean erresistentzia bidez urtutako material bat molde barrura sartzen da barrunbera. Ondoren, errefrigerazio bidez, barrunbearen forma hartu duen plastikoa solidifikatu egiten da. Azkenik, moldeak zati mugikorrean duen kanporatzaileen laguntzaz, pieza kanporatu egiten da, baita mazarota ere.

2. Molde Tenperatura: Nola eta Zergatik Kontrolatu

Moldearen hoztea oso garrantzitsua da, eta diseinuan kontuan hartzea ezinbestekoa da. Tenperatura hau fluido bidez kontrolatzen da (ura, normalean). Fluido hauek errefrigerazio zirkuituetan zehar doaz, eta beroa kentzen dute barrunbeen paretetan. Ura xafla batean sartzen da, xafla hau hoztu nahi den postizoaren gainetik eta azpitik doa, eta bertara kanal bertikal batetik iristen da. Xafla arteko lotura junta toriko batek egiten du. Hainbat arrazoi egon daitezke hauek erabiltzeko. Nagusiena pieza solidifikatzeko da, eta hainbat sistema ezberdin daude: material berezietako kartutxoak, turbulentzia bidezko azeleratzailea, errefrigerazio tubularra, hozte laminarra eta nukleoak hozteko zirkuituak.

3. Injekzio Puntuak (Plastikoa)

Materiala sarrera kono eta elikadura kanaletik sartzen da. Kanaletik barrunbera, injekzio puntu izeneko bide estu batetik sartzen da. Sarrera motak:

• Zuzena: Barrunbe bakarreko eta tamaina handiko moldeetan erabiltzen da. Sarrera barrunbearen erdian dago. Injekzio puntua moldatu ondoren, mazarota kendu behar da.
• Aldameneko sarrera: Barrunbe askotara egokitzen da. Moldeko xafla batean mekanizaturiko kanal txiki bat da, eta piezaren alde batean kokatzen da.
• Sarrera submarinoa: Barrunbe askotara egokitu daiteke. Kanporatzean, pieza eta mazarota automatikoki banatzen ditu.

4. Kanalak: Posizio Motak

Kanalen kokapena faktore hauen baitan dago:

• Barrunbe kopurua
• Piezaren forma
• Molde mota
• Kanalen luzera
• Barrunbean sartzeko moduak
• Betetze uniformea
• Plastiko mota

Banaketa orekatua: Materialak ibilbide berdina egin behar du pieza guztietara iristeko. Kanal guztiek luzera berdina eta presio galera berdina izan behar dute.

Banaketa ez orekatua: Ez du distantzia berdina igarotzen piezara heldu arte. Plastiko urtua pieza batzuetara lehenago helduko da.

5. Bebederoa, Mazarota eta Putzu Hotza

• Mazarota: Bebedero barruan solidifikaturiko materiala da. Bere haustura eta kanporatzea automatikoki moldea zabaltzean eman behar da.
• Putzu hotza: Bebederoaren alde lodienean egindako barrunbe txiki bat da. Sartzen den hasierako materiala bertan geratzen da.
• Barrunbea: Plastiko urtuz betetzen den tokia da, hau da, pieza sortzen den tokiari barrunbea esaten zaio.

6. Piezaren Akatsak

1. Piezen kontrakzioa: Tenperatura izaten da arazo nagusia.
2. Bizarrak: Itxidura indarra ez da nahikoa, azalera handia eta barne presioek irekitzen dute, tenperatura/presioa.
3. Osatu gabeko pieza: Material falta, tenperatura baxuegia.
4. Erretxupeak: Piezaren kanpokoa barrukoa baino lehenago hoztea. Lodiera aldaketa bortitzak.
5. Fluxu marrak: Injekzio abiadura oso baxua. Putzu hotza txikiegia.
6. Zilar distirak: Materiala ondo lehortu. Putzu hotza txikiegia.
7. Erredura markak: Tenperatura altuegia. Injekzio abiadura altuegia.
8. Injekzio puntuaren kokapen desegokia.
9. Polimeroen abiadura oso handia.
10. Soldadura marrak: Injekzio abiadura. Moldearen tenperatura baxua. Barrunbearen airea.

7. Injekzio Makinak: Atal Nagusiak

Injekzio makina batek dituen atal nagusiak injekzio unitatea, kontrol unitatea, moldea eta ixte unitatea dira. Injekzio makinaren produkzio fase nagusiak hauek dira:

• Moldearen itxiera
• Injekzio multzoaren aurrerapena
• Materiala moldean injektatu
• Post presio mantenua
• Piezaren hoztea eta solidotzea
• Injekzio taldearen atzeratzea
• Hurrengo ziklorako materialen plastifikazioa
• Moldearen irekiera eta piezaren kanporatzea