Pobreziaren bilakaera: Errenazimentutik Ilustraziora

Gizarte ekintza Errenazimenduan (XV-XVI. mendeak)

Errenazimenduak aurrerapen ekonomiko berria, gizarte-talde berriak eta munduaren ikuskera praktikoago eta arrazionalagoa ekarri zituen.

Pobreziari buruzko jarrerak Espainian

Pobreziak arazoak sortu zituen hirietan, eta batzuek eskaleen kontrako neurriak hartu zituzten, ospitaleak zentralizatuz:

• Domingo de Soto: Erdi Aroko tradizioari eutsi zion. Eskaleen askatasuna errebindikatu zuen, pobre izatea ez zela lotsagarria argudiatuz; pobreak ez ziren nahi zutelako, lan egiteko tresnarik edo prestakuntzarik ez zutelako baizik.
• Juan de Robles: Pobreen zaintza administrazio publikoaren mende egon behar zela defendatu zuen. Administrazioak eskekotasuna desagerrarazi behar zuen laguntzaren bidez, ez errepresioaren bidez, dohaintza-sistema bat proposatuz.
• Miguel Giginta: Eruki-etxeak sortzea proposatu zuen, pobreek aterpe bat izateaz gain, lan egiteko aukera izan zezaten.

Laguntzaren erreforma udaletan

Pobreziari buruzko kontzientzia hazi zen eta udalek erreformak bultzatu zituzten. Laguntza eta zigorra uztartu ziren:

• Neurri errepresiboak: Augsburgon, Estrasburgon eta Parisen aplikatu ziren. Emaitzak txarrak izan zirenez, ongintza garatzeko erreformak egin zituzten (eskale gisa ibiltzeko debekua, lan egiteko beharra gaixorik ez zeudenentzat eta laguntza arrazionalizatzea).

Ingalaterrako pobreentzako legea (Poor Law)

Gobernuak pobreekiko gizarte-betebeharra zeukala onartu zuen. Familiarik gabeko pobreak lagundu behar zituzten, bi baldintza betez: bertan jaio izatea eta udalean gutxienez lau urte bizi izatea.

Ilustrazioa (XVIII. mendea): Aldaketa handiko aroa Europan

Gizakiaren ahalmenean eta aurrerapenean sinisten zen, jainkoari garrantzia kenduz. Gizarte-arazoak eta pobrezia ikusteko modu berria sortu zen.

Ilustrazioaren ondarea Espainian

Berrikuntza handien mendea izan zen, non elite intelektualek paper erabakigarria jokatu zuten. Pobrezia lanaren ikuspegitik aztertzen hasi ziren: helburua ez zen soilik laguntzea, pobreak pertsona produktibo bihurtzea baizik.

• Fernando VI.ak limosna debekatu zuen eta karitatearen kontrako iritzia zabaldu zen.
• Pobreen sailkapena: Lan egin zezaketenak eta ezin zutenak.
• Pobreziari aurre egiteko ekimenak:
  • Errepresioa: Alferren jazarpena.
  • Laguntza: Auzoko diputazioak (etxez etxeko laguntza). Neurri hauek onartzen ez zituztenak kartzelara edo hospiziora bidaltzen zituzten.
  • Aurreikuspena: Montepio izeneko erakundeak sortu ziren; hilero kuota bat ordaintzen zen diru-erreserba bat izateko.