A Poesía de Celso Emilio Ferreiro: Rexistros e Obras Clave

A Poesía de Celso Emilio Ferreiro

Como consecuencia da Guerra Civil desaparece case por completo a promoción literaria da fala. El, vinculado á fundación Emilio Soto e á UPG, no 1966 emigra a Venezuela.

Rexistros da súa obra poética

A súa obra poética ten tres grandes rexistros:

• Poesía Intimista

  Ten como temas fundamentais: recordos da infancia, o paso do tempo, a saudade e o amor. Destacan obras como O Soño Sulagado e Onde o Mundo se Chama Celanova.

• Poesía Sarcástica

  Vinculada á poesía social-realista. Son sobre todo ataques persoais contra persoas e asociacións. Destacan Cantigas de Escarnio e Maldicer e O Paco Pixiñas.

• Poesía Social

  Entronca coa poesía de Cabanillas, social, etc. Iníciase a partir da publicación de Longa Noite de Pedra, tomado como un símbolo antifranquista, e a partir de aí moitos autores comezan a escribir sobre isto.

Obras destacadas

• O Soño Sulagado

  Vai ter un ton confesional, reflexiona sobre o sentido e a existencia da vida, o paso do tempo e recorda a felicidade da infancia perdida.

• Longa Noite de Pedra

  Vai ser un punto de inflexión na poesía galega. Inicia unha poesía social que vai influír e perdurar ata os anos 80.

  Características de Longa Noite de Pedra

  • A importancia da mensaxe: o poema quere ser unha expresión do sentir e de solidaridade cos que sofren inxustizas.
  • Sinxeleza expresiva: é unha poesía que, como quere chegar incluso á xente sen cultura e é case prosaica, ten unha linguaxe moi pouco poética.
  • Renovación expresiva: vai introducir distintos rexistros dentro da poesía: léxico administrativo, do mundo rural, da ciencia do momento.
  • Uso do humor, a ironía e o sarcasmo: para mostrar a súa repulsa contra a hipocrisía da sociedade e ridiculizar personalidades e institucións da época.

• Viaxe ao País dos Ananos

  Poema que fala da decepción que el sofre cando marcha a Venezuela para coordinar actividades culturais na Irmandade Galega.

• Cemiterio Privado

  Colle figuras como o cacique e satirízaas.

• Antipoemas

  Con anuncios publicitarios. Mostra o poder da deshumanización do diñeiro.

• Cantigas de Escarnio e Maldicer

  (Xa mencionada na poesía sarcástica).

• Onde o Mundo se Chama Celanova

  Ten unha visión máis repousada da vida, é como unha volta a O Soño Sulagado. Volta á infancia, ao amor, recordo dos amigos...