Poesía galega (1936–1976): Xeración do 36 e posguerra

A poesía entre 1936 e 1976: A xeración do 36 e a promoción de enlace á xeración das festas mineiras

Nesta etapa, ao principio predominan os estilos poéticos do período anterior, pero a finais dos anos 40 iníciase unha preocupación existencial que marcará a poesía dos anos 50 da chamada Escola de Tebra.

Xeración do 36

Luis Pimentel (1895–1958)

• Tristos (1950)
• Sombra do aire na herba
• Barco sen luces

Luis Pimentel naceu e morreu en Lugo. A súa poesía semella prosa poética debido á linguaxe coloquial e á liberdade métrica.

Aquilino Iglesias Alvariño (1909–1961)

• Sarda
• Corazón ao vento (obras con influencia modernista e imaxinista)
• Comandos verdes (mestura de hilozoismo e clasicismo formal)
• De día a día
• Lanza de soidade
• Leva o seu cantar

Aquilino Iglesias Alvariño naceu en Abadín e foi docente en Santiago, onde morreu. Antes da guerra publicou Sarda e Corazón ao vento. Na posguerra publicou Comandos verdes —unha mestura de hilozoismo e clasicismo formal— e outras obras como De día a día, Lanza de soidade e Leva o seu cantar.

Xosé María Díaz Castro (1914–1990)

• Nacida dun sono
• Nimbos

Xosé María Díaz Castro naceu en Buriz e morreu en Madrid. Publicou Nacida dun sono e Nimbos, onde afloran problemas como a miseria e a emigración. A súa obra caracterízase pola presenza dun paisaxismo humanizado e tinguido de relixiosidade.

Outros poetas destacados

Álvaro Cunqueiro (1911–1981)

• Mar ao norde
• Poemas do si e non
• Cantiga nova que se chama Ribeira
• Dona de corpo delgado (neotrobadoresca)
• Herba de aquí ou acolá (íntima)

Álvaro Cunqueiro naceu en Mondoñedo e morreu en Vigo. Antes da guerra publicou libros vangardistas como Mar ao norde, Poemas do si e non e Cantiga nova que se chama Ribeira. Na posguerra publicou obras como Dona de corpo delgado (neotrobadoresca) e Herba de aquí ou acolá (íntima). Segue dúas tendencias básicas: o realismo lírico e a fantasía intelectual de corte vanguardista e mitolóxico.

Ricardo Carballo Calero (1910–1990)

• Pretérito imperfecto
• Futuro condicional
• Cantigas de amigo e outros poemas

As obras poéticas de Ricardo Carballo Calero caracterízanse polo clasicismo, a densidade de contido e o intelectualismo.

Antón Tovar (1921–)

• Arredores
• Non
• O vento no teu colo
• Calados esconxuros
• Berros en voz baixa
• A nada destemida

Antón Tovar publicou títulos como Arredores, Non, O vento no teu colo, Calados esconxuros, Berros en voz baixa e A nada destemida. A súa poesía expresa a tristeza dun eu queixoso pola soidade e o silencio de Deus.

Pura Vázquez

• Íntimas
• A cidade dos mansos me dobrega
• Orballa en tempo lento

Pura Vázquez mantense fiel a un mundo paisaxístico, nostálxico e amoroso.

Luz Pozo Garza

• O paxaro na boca
• Verbas derradeiras
• Concerto de outono
• Códice Calixtino
• Prometeo a flor de loto

Luz Pozo Garza publicou obras como O paxaro na boca, Verbas derradeiras, Concerto de outono, Códice Calixtino e Prometeo a flor de loto. A súa poesía mostra a influencia do surrealismo e do vitalismo.