Reflexos miotáticos e de estiramento na mandíbula
Clasificado en Biología
Escrito el en 
gallego con un tamaño de 2,95 KB
Reflexo miotático de estiramento
Ante o estiramento dun músculo elevador como o masetero envíase información desde o fuso neuromuscular por unha vía aferente, pasa polo núcleo mesencefálico fai a sinapse co núcleo motor e a través dunha motoneurona alfa eferente que chega ás fibras extrafusais causará que estas fibras deixen de estirarse.
O corpo neuronal atópase no núcleo mesencefálico que é o núcleo dos reflexos, e conectarase co núcleo motor para desencadear un reflexo de protección para que o músculo non se siga estirando.
Este é o mecanismo que se ve afectado nos futbolistas, xa que nin o fuso nin o órgano son capaces de controlar o estiramento.
Reflexo maseterino
Este é un reflexo monosináptico e é o reflexo que se provoca ao presionar a mandíbula cara abaixo. Ao golpear o mentón co martelo xérase un descenso mandibular e con iso a elongación do fuso neuromuscular que de forma moi rápida enviará a información desde a anuloespiral (vía aferente) pasará polo núcleo mesencefálico para logo ir ao núcleo motor onde fará sinapse cunha segunda neurona e así estimulará ao masetero para que se peche a mandíbula.
Reflexo de apertura, nociceptivo, miotático inverso ou inhibición antagonista
Dícese que este reflexo é unha resposta motora máis completa xa que é un reflexo polisináptico que coordinará unha resposta de varios grupos musculares onde o resultado é o rápido descenso da mandíbula e separación dos dentes para protexelos dunha causa nociva como unha pedra nos alimentos.
Cando nos atopamos cunha pedra nos alimentos, esta noxa é captada polos receptores situados no ligamento periodontal. Estes receptores posúen o seu soma no núcleo mesencefálico polo tanto a información pasará desde o ligamento periodontal cara ao núcleo mesencefálico e desde aquí ao núcleo sensitivo principal e espinal (xa que é información de tacto e presión) para facer sinapse cunha 2º neurona (vermella) a cal no núcleo motor realizará 2 cousas:
⦁Facer sinapse cunha interneurona inhibitoria (verde) a que á súa vez fará sinapse con outra neurona que chegará ás fibras extrafusais de músculos elevadores inhibíndoos para así non seguir pechando a boca.
⦁Facer sinapse cunha neurona que estimulará ás fibras extrafusais dos músculos depresores
Reflexo de inhibición autóxena
Durante a elongación dun músculo aplícase unha carga de tal forma que temos o brazo nunha posición fixa (contracción isométrica) voluntariamente. O estiramento a nivel dos tendóns é captado polo órgano tendinoso de Golgi que recibirá e xerará un mecanismo de protección xa que pasará a información polo núcleo mesencefálico para conectalo co núcleo motor onde:
⦁Inhibirá ás fibras extrafusais para que non siga a contracción.
⦁Inhibirá ao músculo antagonista (depresor) xerando a relaxación.